വാഷിങ്ടണ്‍: പെപ്‌സി ചെയര്‍മാനും സി.ഇ.ഒയുമായ ഇന്ത്ര നൂയി അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഉപദേശക സമിതിയില്‍. ട്രംപിന്റെ പരിവര്‍ത്തന കമ്മിറ്റിയാണ് ഇക്കാര്യം അറിയിച്ചത്.
സ്‌പെയ്‌സക്‌സ് ആന്റ് ടെസ്‌ലയുടെ ചെയര്‍മാന്‍ ഏലന്‍ മസ്‌ക്, യുബര്‍ ടെക്‌നോളജിയുടെ സി.ഇ.ഒയും സ്ഥാപകരില്‍ ഒരാളുമായ ട്രാവിസ് കലനിക് എന്നിവരെയും ഇന്ത്ര നൂയിയെ കൂടാതെ ഉപദേശക സമിതിയില്‍ ഉള്‍പ്പെടുത്തിയിട്ടുണ്ട്.
2017 ജനുവരി 20 നകം കൂടുതല്‍ വ്യവസായ പ്രമുഖരെ കൂടി ഉള്‍പ്പെടുത്തി സമിതി വിപുലീകരിക്കുമെന്നും ട്രംപിന്റെ പരിവര്‍ത്തന കമ്മിറ്റി അറിയിച്ചു.