ദുബൈ: ഐ.സി.സി ടെസ്റ്റ് റാങ്കിങില്‍ ഇന്ത്യന്‍ നായകന്‍ വിരാട് കോഹ്‌ലിക്ക് നേട്ടം. ഒരു സ്ഥാനം മെച്ചപ്പെടുത്തി രണ്ടാം സ്ഥാനത്തെത്തിയിട്ടുണ്ട് കോഹ്‌ലി. കോഹ്‌ലിയുടെ എക്കാലത്തെയും മികച്ച റാങ്കാണ് ഇത്. ബൗളര്‍മാരുടെ പട്ടികയില്‍ അശ്വിന്‍ ഒന്നാം സ്ഥാനം നിലനിര്‍ത്തി. 20 കളിക്കാരുടെ ഓവറോള്‍ പട്ടികയില്‍ ഇടംപിടിക്കാനും അശ്വിന് സാധിച്ചു.
ഇംഗ്ലണ്ടിനെതിരായ ടെസ്റ്റ് പരമ്പരയിലെ മികച്ച പ്രകടനമാണ് ഇരുവര്‍ക്കും ഗുണകരമായത്. ബാറ്റ്‌സ്മാന്‍മാരുടെ പട്ടികയില്‍ സ്റ്റീവന്‍ സ്മിത്താണ് ഒന്നാം സ്ഥാനത്ത്. കോഹ്‌ലിയേക്കാള്‍ 11 പോയിന്റ് മുന്നിലാണ് സ്മിത്ത്.