തിരുവനന്തപുരം: കെ.എസ്.ആര്‍.ടി.സി ജീവനക്കാര്‍ക്ക് ശമ്പളം നല്‍കാമെന്ന വാഗ്ദാനം ഇന്നലെയും സര്‍ക്കാര്‍ ലംഘിച്ചു. ശമ്പളവിതരണത്തിനുള്ള പണമെത്താത്തതിനാല്‍ ഇന്നലെയും ശമ്പളം വിതരണം നടന്നില്ല. ഇതിനെതിരെ വ്യാപക പ്രതിഷേധം ഉയര്‍ന്നു.
തുടര്‍ച്ചയായി ശമ്പളം മുടങ്ങുന്നതില്‍ ജീവനക്കാര്‍ വന്‍പ്രതിഷേധത്തിലായിരുന്നു. ഇതിനെത്തുടര്‍ന്ന് എന്തുവന്നാലും 14 ന് ശമ്പളം വിതരണം ചെയ്യുമെന്ന് ധനമന്ത്രി ഡോ. തോമസ് ഐസക് കഴിഞ്ഞ ദിവസം പറഞ്ഞിരുന്നു. കാനറാ ബാങ്കില്‍ നിന്ന് 50 കോടിയും സര്‍ക്കാരില്‍ നിന്ന് 20 കോടിയും വായ്പയെടുത്താണ് ശമ്പളം നല്‍കാന്‍ തീരുമാനിച്ചിരുന്നത്. സര്‍ക്കാരിന്റെ ഈ വാഗ്ദാനമാണ് ലംഘിക്കപ്പെട്ടത്.