കൊടുങ്ങല്ലൂര്‍: ദേശീയഗാനാലാപന വിവാദത്തില്‍ കേരള ചലച്ചിത്ര അക്കാദമി ചെയര്‍മാനും കൊടുങ്ങല്ലൂര്‍ ഫിലിം സൊസൈറ്റി രക്ഷാധികാരിയും കൂടിയായ സംവിധായകന്‍ കമല്‍ നിലപാട് വ്യക്തമാക്കണമെന്നാവശ്യപ്പെട്ട് ബി.ജെ.പി പ്രവര്‍ത്തകര്‍ അദ്ദേഹത്തിന്റെ വീടിനു മുന്നില്‍ ദേശീയഗാനാലാപനം നടത്തി. ചന്തപ്പുരയില്‍ നിന്നും പ്രകടനമായെത്തിയ പ്രവര്‍ത്തകരെ കമലിന്റെ വീടിന്റെ പരിസരത്ത് പൊലിസ് തടഞ്ഞു.
തുടര്‍ന്ന് നടന്ന യോഗം ബി.ജെ.പി തൃശൂര്‍ ജില്ലാ പ്രസിഡന്റ് എ. നാഗേഷ് ഉദ്ഘാടനം ചെയ്തു. പ്രതിഷേധയോഗത്തെ തുടര്‍ന്ന് സമരക്കാര്‍ ദേശീയ ഗാനം ആലപിച്ചു.