കോഴിക്കോട്: പാണക്കാട് മുനവറലി ശിഹാബ് തങ്ങളെ അധ്യക്ഷനാക്കി സംസ്ഥാന യൂത്ത് ലീഗ് കമ്മിറ്റി നിലവില്‍ വന്നു. പി.കെ ഫിറോസ് സംസ്ഥാന ജനറല്‍ സെക്രട്ടറിയും എം.എ സമദ് ട്രഷററുമാകും. സീനിയര്‍ വൈസ് പ്രസിഡന്റായി നജീബ് കാന്തപുരത്തേയും തെരഞ്ഞെടുത്തു.

വൈസ് പ്രസിഡന്റുമാര്‍: അഡ്വ: സുര്‍ജിത് സലാം, ഫൈസല്‍ ബാഫക്കി തങ്ങള്‍ (മലപ്പുറം), ഇസ്മയില്‍ (വയനാട്), പി.കെ സുബൈര്‍(കണ്ണൂര്‍), അബ്ദുല്‍ കരീം( തൃശൂര്‍), അഹമദ് കബീര്‍( ഏറണാകുളം). സെക്രട്ടറിമാര്‍: മുജീബ് കാലേരി( മലപ്പുറം), പി.ജി മുഹമ്മദ് (കോഴിക്കോട്), കെ.എസ്.സിയാല്‍, ആഷിക് കോഴിക്കോട്,പി.വി മുഹമ്മദ് അലി കോഴിക്കോട് .കെ.എം അഷറഫ് (കാസര്‍ഗോഡ്) ,അന്‍വര്‍ സാദത്ത്( പാലക്കാട്).

നേതൃത്വത്തെ സംബന്ധിച്ച് പാണക്കാട് ഹൈദരലി ശിഹാബ് തങ്ങളുമായി കഴിഞ്ഞദിവസം ചര്‍ച്ച നടത്തിയിരുന്നു. ഇന്നു ചേര്‍ന്ന യൂത്ത് ലീഗ് കൗണ്‍സില്‍ യോഗം ഭാരവാഹികളുടെ ലിസ്റ്റ് ഐകകണ്‌ഠേന അംഗീകരിക്കുകയായിരുന്നു.

കൗണ്‍സില്‍ യോഗത്തില്‍ മുന്‍ പ്രസിഡന്റ് പി.എം സാദിഖലി അധ്യക്ഷനായിരുന്നു. സി.കെ സുബൈര്‍ സ്വാഗതം പറഞ്ഞു. പി.കെ കുഞ്ഞാലിക്കുട്ടി, ഇ.ടി മുഹമ്മദ് ബഷീര്‍, കെ.പി.എ മജീദ്, പി.വി അബ്ദുള്‍ വഹാബ് എന്നിവരും സംബന്ധിച്ചു.

മുസ്‌ലിം ലീഗിന്റെ പരമോന്നത നേതാവായിരുന്ന പാണക്കാട് മുഹമ്മദലി ശിഹാബ് തങ്ങളുടെ ഇളയമകനാണ് മുനവറലി ശിഹാബ് തങ്ങള്‍.

എം.എസ്.എഫ് മുന്‍ സംസ്ഥാന പ്രസിഡന്റും യൂത്ത് ലീഗ് അഖിലേന്ത്യാ കണ്‍വീനറുമാണ് പി.കെ ഫിറോസ്.