ചെന്നൈ: ഇന്ത്യന്‍ പരമ്പരയിലെ അഞ്ചാം ടെസ്റ്റ് ഇംഗ്ലീഷ് പേസര്‍ ജെയിംസ് ആന്‍ഡേഴ്‌സണ് നഷ്ടമാകും. തോളിനേറ്റ് പരുക്ക് പൂര്‍ണമായും ഭേദമാകാത്തതിനാല്‍ മല്‍സരത്തില്‍ നിന്ന് ഒഴിവാക്കിയിരിക്കുകയാണ്. കഴിഞ്ഞ ആറു മാസമായി പരുക്കിന്റെ പിടിയിലാണ് ആന്‍ഡേഴ്‌സണ്‍. എന്നാല്‍, ഭാവിയില്‍ ആന്‍ഡേഴ്‌സണിന്റെ സേവനം ടീമിന് അനിവാര്യമാണെന്നും അതിനാല്‍ അദ്ദേഹത്തിന്റെ ആരോഗ്യകാര്യത്തില്‍ റിസ്‌ക് ഏറ്റെടുക്കാന്‍ സാധിക്കില്ലെന്നും ഇംഗ്ലണ്ട് ക്യാപ്റ്റന്‍ അലിസ്റ്റര്‍ കുക്ക് പറഞ്ഞു.