ബോവിക്കാനം: ബൈക്കില്‍ ബസിടിച്ചു യുവാക്കള്‍ക്കു പരുക്ക്. പൊവ്വല്‍ സ്വദേശികളായ ഇംറാന്‍ (21), ഉനൈസ് (21) എന്നിവര്‍ക്കാണു പരുക്കേറ്റത്. കഴിഞ്ഞ ദിവസം ഉച്ചക്ക് 12.30നു ബോവിക്കാനം ശ്രീപുരി ഓഡിറ്റോറിയത്തിനടുത്താണ് അപകടം നടന്നത്. ബോവിക്കാനത്തു നിന്നു കാസര്‍കോട് ഭാഗത്തേക്കു പോവുകയായിരുന്ന 'സന്ധ്യ' എന്ന സ്വകാര്യ ബസ് യുവാക്കള്‍ സഞ്ചരിച്ചിരുന്ന ബൈക്കില്‍ ഇടിക്കുകയായിരുന്നു.
കാലിനു ഗുരുതരമായി പരുക്കേറ്റ ഇരുവരെയും ശസ്ത്രക്രിയയ്ക്കു വിധേയമാക്കി.
ഇംറാനെ മംഗലാപുരം ഐലാന്റ് ആശുപത്രിയിലും ഉനൈസിനെ നാലാംമൈല്‍ സ്വകാര്യ ആശുപത്രിയിലും പ്രവേശിപ്പിച്ചു.