നെട്ടൂര്‍: മരട് രാജ്യാന്തര പച്ചക്കറിമാര്‍ക്കറ്റിലെ എസ്.എം ഫ്രൂട്ട്‌സ് എന്ന പഴം മൊത്തവ്യാപാര കടയില്‍ കവര്‍ച്ച.
70,000 രൂപ നഷ്ടപെട്ടതായി കടയുടമ അറിയിച്ചു. കടയിലെ മേശയില്‍ സൂക്ഷിച്ചിരുന്ന രൂപയാണ് മോഷ്ടിക്കപെട്ടത്. മേശക്ക് സമീപത്ത് ലോക്കറില്‍ സൂക്ഷിച്ചിരുന്ന മൂന്നര ലക്ഷത്തോളം രൂപ നഷ്ടപെട്ടില്ല.
കടയുടെ ഷട്ടറിന്റെ പൂട്ട് തകര്‍ത്താണ് മോഷ്ടാക്കള്‍ അകത്ത് കടന്നത്.
കടയില്‍ സ്ഥാപിച്ചിട്ടുള്ള സി.സി.ടി.വിയുടെ വയര്‍ മുറിച്ചിട്ട നീലയിലാണ്. വ്യാഴാഴ്ച പുലര്‍ച്ചെ അഞ്ച് മണിയോടെ ഉടമ കട തുറക്കാന്‍ വന്നപ്പോഴാണ് മോഷണ വിവരം അറിഞ്ഞത്. വിവരമറിയിച്ചതിനേതുടര്‍ന്ന് പനങ്ങാട് പൊലിസ് കേസ് രജിസ്റ്റര്‍ ചെയ്ത് അന്വേഷണമാരംഭിച്ചു. ഡോഗ് സ്‌ക്വാഡും വിരലയൊള വിദഗ്ധരും സ്ഥലത്തെത്തി പരിശോധന നടത്തി.