ചെങ്ങന്നൂര്‍: പഞ്ചായത്ത് ഓഫീസിന് കിഴക്ക് മുട്ടത്തുകാട്ടു പടിയില്‍ പഞ്ചായത്ത് വക സ്ഥലത്തു നില്‍ക്കുന്ന ഉണങ്ങിയ ഭീമന്‍ ആല്‍മരം നാട്ടുകാര്‍ക്ക് ഭീഷണി ഉയര്‍ത്തുന്നു. ഏത് നിമിഷവും ശിഖിരങ്ങള്‍ ഒടിഞ്ഞുവീഴുവാന്‍ പാകത്തിന് നില്‍ക്കുന്ന ആല്‍മരം മുറിച്ചുമാറ്റണമെന്ന് ആവശ്യപ്പെട്ട് നാട്ടുകാര്‍ പഞ്ചായത്തില്‍ പരാതിപ്പെട്ടിട്ട് മാസങ്ങള്‍ കഴിഞ്ഞും നടപടിയായിട്ടില്ല. നൂറ്റന്‍പത് അടിയോളം ഉയരമുള്ള അപകടാവസ്ഥയിലായ മരം വീണാല്‍ സമീപത്തുള്ള വീടുകളും വൈദ്യുതി ലൈനും താറുമാറാകുമെന്ന് നാട്ടുകാര്‍ ചൂണ്ടിക്കാട്ടുന്നു.