തൊട്ടില്‍പ്പാലം: കഴിഞ്ഞ ദിവസം അന്തരിച്ച സമസ്ത പ്രസിഡന്റ് എ.പി മുഹമ്മദ് മുസ്‌ലിയാര്‍ സ്വാത്വികനായ പണ്ഡിതശ്രേഷ്ഠനായിരുന്നുവെന്ന് സമസ്ത കേന്ദ്ര മുശാവറ അംഗം ചേലക്കാട് മുഹമ്മദ് മുസ്‌ലിയാര്‍.
കൊടക്കല്‍ ദാറുറഹ്മയില്‍ നടന്ന സ്വലാത്ത് വാര്‍ഷികവും എ.പി മുഹമ്മദ് മുസ്‌ലിയാര്‍ അനുസ്മരണവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി.കെ അബ്ദുല്‍ ഹമീദ് ഹാജി അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തി. മുനീര്‍ ഫൈസി ഇര്‍ഫാനി, എ.പി മൊയ്തു മാസ്റ്റര്‍, റഫീഖ് ദാരിമി, സ്വാബിര്‍ ബാഖവി, ഹാരിസ് ഫൈസി ഇര്‍ഫാനി, കുഞ്ഞബ്ദുല്ല ഫൈസി ഇര്‍ഫാനി, ഫാഫിള് സഅദ് വയനാട് സംസാരിച്ചു. യു.കെ അബ്ദുല്‍ ഹമീദ് ഹാജി സ്വാഗതവും ഷൈജല്‍ അഹമ്മദ് നന്ദിയും പറഞ്ഞു. വാര്‍ഷിക പരിപാടിയോടനുബന്ധിച്ച് നടക്കുന്ന മതപ്രഭാഷണ സദസ്സില്‍ ഇന്ന് ഹസ്സന്‍ ഫൈസി പൂക്കോട്ടൂര്‍ സംസാരിക്കും.