തിരുവനന്തപുരം: ക്രിസ്മസ്, പുതുവത്സര അവധിക്കാലത്തെ തിരക്കു കണക്കിലെടുത്ത് കൊണ്ടങ്കണ്‍ റൂട്ടില്‍  തിരുനെല്‍വേലി- മുംബൈ പ്രത്യേക ട്രെയിന്‍ സര്‍വിസ് ഏര്‍പെടുത്തിയതായി ദക്ഷിണ റെയില്‍വേ അറിയിച്ചു.
ഞായറാഴ്ചകളായ ഡിസംബര്‍ 18, 25, ജനുവരി ഒന്ന്, എട്ട്, 15 തിയതികളില്‍ വൈകുന്നേരം 4.40ന് മുംബൈ സി.എസ്.ടിയില്‍ നിന്ന് പുറപ്പെടുന്ന വണ്ടി (01067) തൊട്ടടുത്ത ചൊവ്വാഴ്ചകളില്‍ പുലര്‍ച്ചെ 2.15ന് തിരുനെല്‍വേലിയിലെത്തും.
ഈ വണ്ടി തിരിച്ച്  (01068) ചൊവ്വാഴ്ചകളായ ഡിസംബര്‍ 20, 27, ജനുവരി മൂന്ന്, 10, 17 തിയതികളില്‍ പുലര്‍ച്ചെ 4.45ന് തിരുനെല്‍വേലിയില്‍ നിന്ന് പുറപ്പെട്ട് തൊട്ടടുത്ത ബുധനാഴ്ചകളില്‍ ഉച്ചയ്ക്കു 12.30ന് മുംബൈ സി.എസ്.ടിയിലെത്തും.