തൂത: തൂത ദാറുല്‍ ഉലൂം വാഫി കോളജ് 12ാം വാര്‍ഷികവും സനദ്ദാന സമ്മേളനവും ഇന്ന് വൈകുന്നേരം പെരിന്തല്‍മണ്ണ തറയില്‍ ബസ് സ്റ്റാന്‍ഡിനു സമീപം പാണക്കാട് ഹൈദറലി ഷിഹാബ് തങ്ങള്‍ ഉദ്ഘാടനം ചെയ്യും.  സിംസാറുല്‍ഹഖ് ഹുദവി മുഖ്യപ്രഭാഷണം നടത്തും.  
വൈകിട്ട് നാലിന് നടക്കുന്ന മജ്‌ലിസുന്നൂറിന് അത്തിപ്പൊറ്റ മൊയ്തീന്‍ കുട്ടി മുസ്‌ലിയാര്‍, ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും. രാത്രി ഏഴിന് നടക്കുന്ന സനദ്ദാന സമ്മേളനത്തില്‍ കോളജില്‍നിന്ന് പഠനം പൂര്‍ത്തിയാക്കിയ 71 വാഫികള്‍ക്ക് ഹൈദറലി തങ്ങള്‍ സനദ് നല്‍കും.  
കെ ആലിക്കുട്ടി മുസ്‌ലിയാര്‍ സനദ്ദാന പ്രഭാഷണം നടത്തും. അബ്ദുല്‍ഹഖീം ഫൈസി ആദൃശ്ശേരി വാഫി സന്ദേശം നല്‍കും.
ജിഫ്രി മുത്തുക്കോയ തങ്ങള്‍, എം.ടി അബ്ദുല്ല മുസ്‌ലിയാര്‍, സൈദ് മുഹമ്മദ് നിസാമി, കെ.എ റഹ്മാന്‍ ഫൈസി, മഞ്ഞളാം കുഴി അലി, നാലകത്ത് സൂപ്പി സംബന്ധിക്കും.