ചാവക്കാട്: 'ശുചിത്വമുള്ള കുടിവെള്ളം അരോഗ്യമുള്ള ഗ്രാമം' സന്ദേശമുയര്‍ത്തി ഗ്രാമവേദി അഞ്ചങ്ങാടിയും, ഗ്രാമവേദി എന്‍.ആര്‍.ഐ ചാപ്റ്ററും സംയുക്തമായി നടത്തുന്ന കുടിവെള്ള പദ്ധതിയുടെ ആദ്യഘട്ടം സിനിമാ താരം ആദില്‍ ഇബ്രാഹിം ഉദ്ഘാടനം ചെയ്തു.
കടപ്പുറം പഞ്ചായത്തിലെ സ്‌കൂളുകള്‍, മദ്‌റസകള്‍, ആയര്‍വേദ, ഹോമിയോ ഡിസ്‌പെന്‍സറികള്‍  പൊതു സ്ഥലങ്ങളില്‍ ഫില്‍ട്ടര്‍ സ്ഥാപിച്ച് പദ്ധതി നടപ്പാക്കുകയാണ് ലക്ഷ്യം.
എന്‍.ആര്‍.ഐ ചാപ്റ്റര്‍ ജനറല്‍ സെക്രട്ടറി പി.വി തൗഫീഖ് അധ്യക്ഷനായി. പഞ്ചായത്ത് പ്രസിഡന്റ് പി.എം മുജീബ് മുഖ്യതിഥിയായി. ഇബ്രാഹിം പുളിക്കല്‍, സി.എച്ച് റഷീദ്, പി.കെ അലി, സുലോചന ടീച്ചര്‍, സി.കെ ഷാജി, പി.വി ഷാഹു, അലികുഞ്ഞി, അഹമദ് മൊയ്‌നുദ്ദീന്‍, ടി.സി സുബൈര്‍, പി.എ ഷെഫീര്‍, മുഹമ്മദ് റാഫി സംബന്ധിച്ചു.