സിംല: ബംഗളൂരു സ്വദേശിയായ യുവാവിനെ ഐ.എസ് ബന്ധമാരോപിച്ച് ഹിമാചല്‍ പ്രദേശില്‍ എന്‍.ഐ.എ സംഘം അറസ്റ്റ് ചെയ്തു. ഹിമാചലിലെ കുളു ജില്ലയില്‍ വച്ചാണ് ഇയാള്‍ അറസ്റ്റിലായത്.
ബംഗളൂരു സ്വദേശിയായ അബീദ് ഖാനാ(23)ണ് അറസ്റ്റിലായതെന്ന് എന്‍.ഐ.എ അറയിച്ചു. കുളുവിലെ പൊലിസിന്റെ സഹായത്തോടെയാണ് ഇയാളെ അറസ്റ്റ് ചെയ്തത്.
നേരത്തെ ഡല്‍ഹിയില്‍ നിന്ന് അറസ്റ്റിലായവരുടെ പക്കല്‍നിന്ന് കിട്ടിയ വിവരത്തിന്റെ അടിസ്ഥാനത്തിലാണ് അബീദ് അറസ്റ്റിലാകുന്നത്.
ഐ.എസ് ആശയത്തോട് തനിക്ക് ബന്ധമുണ്ടെന്ന് ഇയാള്‍ സമ്മതിച്ചിട്ടുണ്ടെന്ന് പൊലിസ് പറഞ്ഞു. അതിനിടയില്‍ ഇയാളെക്കുറിച്ചുള്ള കൂടുതല്‍ വിവരങ്ങള്‍ വെളിപ്പെടുത്താന്‍ എന്‍.ഐ.എ തയാറായില്ല.