പ്രൈവറ്റ് രജിസ്‌ട്രേഷന്‍

2016-17 അധ്യയനവര്‍ഷം മുതല്‍ എം.എ ഹിസ്റ്ററി, പൊളിറ്റിക്കല്‍ സയന്‍സ്, ഇക്കണോമിക്‌സ്, സോഷ്യോളജി, പബ്ലിക് അഡ്മിനിസ്‌ട്രേഷന്‍, ഇസ്‌ലാമിക് ഹിസ്റ്ററി, ഫിലോസഫി, ഇംഗ്ലീഷ്, മലയാളം, ഹിന്ദി, സംസ്‌കൃതം (ജനറല്‍), തമിഴ്, അറബിക്, എം.കോം വിഷയങ്ങളില്‍ പ്രൈവറ്റ് രജിസ്‌ട്രേഷന്‍ സമ്പ്രദായത്തില്‍ ബിരുദാനന്തര ബിരുദ പഠനത്തിന് അപേക്ഷ ക്ഷണിച്ചു. വിശദമായ വിജ്ഞാപനം ഡിസംബര്‍ 26ന് വെബ്‌സൈറ്റില്‍ പ്രസിദ്ധീകരിക്കും.

ബി.ഡി.എസ് ഫലം

ഓഗസ്റ്റില്‍ നടത്തിയ നാലാം ബി.ഡി.എസ് പാര്‍ട്ട് ഒന്ന് ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും ഡിസംബര്‍ 23 വരെ അപേക്ഷിക്കാം.

ഓഗസ്റ്റില്‍ നടത്തിയ നാലാം ബി.ഡി.എസ് പാര്‍ട്ട് രണ്ട് ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും ഡിസംബര്‍ 30 വരെ അപേക്ഷിക്കാം.

ഇന്റേണല്‍ മാര്‍ക്ക്

വിദൂരവിദ്യാഭ്യാസ വിഭാഗം നടത്തുന്ന രണ്ടാം ബി.സി.എ കോഴ്‌സിന്റെ ഇന്റേണല്‍ മാര്‍ക്ക് പ്രസിദ്ധീകരിച്ചു. പരാതികള്‍ 2017 ജനുവരി അഞ്ചിനകം കോ-ഓര്‍ഡിനേറ്ററെ അറിയിക്കണം. ഫോണ്‍. 960544814, 8129912270.

ബി.സി.എ പ്രാക്ടിക്കല്‍

വിദൂരവിദ്യാഭ്യാസ വിഭാഗം ഒക്‌ടോബര്‍, നവംബറില്‍ നടത്തിയ ഒന്ന്, രണ്ട് വര്‍ഷ ബി.എസ്‌സി കംപ്യൂട്ടര്‍ സയന്‍സ്, ബി.സി.എ (പുതിയ സ്‌കീം, പഴയ സ്‌കീം) പ്രാക്ടിക്കല്‍ പരീക്ഷകള്‍ 2017 ജനുവരി ഒമ്പത് മുതല്‍ തിരുവനന്തപുരം കാര്യവട്ടം കാംപസ് കംപ്യൂട്ടിങ് ഫെസിലിറ്റീസ്, പിരപ്പന്‍കോട് യു.ഐ.ടി കേന്ദ്രം, കൊല്ലം മുളങ്കാടകം യു.ഐ.ടി, ആലപ്പുഴ യു.ഐ.ടി എന്നിവിടങ്ങളില്‍ നടത്തും. ടൈംടേബിള്‍ വെബ്‌സൈറ്റില്‍ ലഭിക്കും.

പ്രദര്‍ശനം

77-മത് ഇന്‍ഡ്യന്‍ ഹിസ്റ്ററി കോണ്‍ഗ്രസിനോടനുബന്ധിച്ച് കാര്യവട്ടം കാംപസില്‍ എക്‌സിബിഷന്‍ നടത്തുന്നു. സര്‍വകലാശാലയിലെ വിവിധ വിഭാഗങ്ങളായ ആര്‍ക്കിയോളജി, ജിയോളജി, അക്വാട്ടിക് ബയോളജി, മാനുസ്‌ക്രിപ്റ്റ് ലൈബ്രറി, അറബിക് എന്നിവയും സര്‍വകലാശാലയിലെ ഇറാനിയന്‍ വിദ്യാര്‍ഥിയും കേരള സര്‍ക്കാരിന്റെ ആര്‍ക്കിയോളജി, അര്‍കൈവ്‌സ് വകുപ്പുകളും സംയുക്തമായി നടത്തുന്ന എക്‌സിബിഷനില്‍ ചരിത്രാതീത കാലം മുതല്‍ ആധുനിക കാലംവരെയുള്ള പുരാവസ്തുക്കളും, പുരാരേഖകളും, ഫോസിലുകളും, ശിലകളും, നാച്ചുറല്‍ ഹിസ്റ്ററി വസ്തുക്കളും പ്രദര്‍ശിപ്പിക്കും. ഡിസംബര്‍ 28 മുതല്‍ 30 വരെ നടത്തുന്ന എക്‌സിബിഷനില്‍ വിദ്യാര്‍ഥികള്‍ക്കും പൊതുജനങ്ങള്‍ക്കുമുള്‍പ്പെടെ പ്രവേശനം സൗജന്യമായിരിക്കും. ഫോണ്‍. 9497078573, 9846276539.

ബി.എച്ച്.എം ഫലം

ജൂലൈയില്‍ നടത്തിയ നാലാം സെമസ്റ്റര്‍ ബാച്ചിലര്‍ ഓഫ് ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജി (2011, 2006 സ്‌കീം - പ്രൊജക്ട് റിപ്പോര്‍ട്ട് ആന്‍ഡ് വൈവ) ഫലം വെബ്‌സൈറ്റില്‍ ലഭിക്കും.

പുതുക്കിയ ടൈംടേബിള്‍

2017 ജനുവരിയില്‍ നടത്തുന്ന അഞ്ചാം സെമസ്റ്റര്‍ ബി.ടെക് (പാര്‍ട്ട് ടൈം - റീസ്ട്രക്‌ച്ചേര്‍ഡ് - 2013 സ്‌കീം) പരീക്ഷയുടെ പുതുക്കിയ ടൈംടേബിള്‍ വെബ്‌സൈറ്റില്‍ ലഭിക്കും.