പെരുമ്പാവൂര്‍: പൊടിശല്യം രൂക്ഷമായതിനെ തുടര്‍ന്നു കീഴില്ലം-ത്രിവേണി റോഡില്‍ ടിപ്പര്‍ ലോറികള്‍ വീണ്ടും നാട്ടുകാര്‍ ഉപരോധിച്ചു.
പാറമട മാലിന്യങ്ങള്‍ ഉപയോഗിച്ച് ഇന്നലെ നടന്ന മെയിന്റനന്‍സ് വര്‍ക്ക് മൂലം രൂക്ഷമായ പൊടിശല്യം കാരണം റോഡിന്റെ ഇരുവശത്തും താമസിക്കുന്നവര്‍ക്കു പുറത്തിറങ്ങുവാന്‍ കഴിയാത്ത അവസ്ഥയിലായിരുന്നു. എന്നാല്‍ റോഡ് നനയ്ക്കുന്നതില്‍ വീഴ്ച വരുത്തിയത് മൂലമാണ് ലോറികള്‍ തടഞ്ഞതെന്ന് നാട്ടുകാര്‍ പറഞ്ഞു.
രണ്ടുമണിക്കൂറോളം നീണ്ട ഉപരോധത്തിനുശേഷം ടാങ്കര്‍ വന്ന് റോഡ് നനച്ചതിനു ശേഷമാണ് ഗതാഗതം പുനഃസ്ഥാപിച്ചത്. കോണ്‍ഗ്രസ് വാര്‍ഡ് സെക്രട്ടറി രാജുവിന്റെ നേതൃത്വത്തിലാണു റോഡ് ഉപരോധിച്ചത്.