HOME
DETAILS

ദേശീയ ഗാനം: ആര്‍ക്കെതിരെയും രാജ്യദ്രോഹക്കുറ്റം ചുമത്തരുതെന്ന് മുഖ്യമന്ത്രി

  
backup
December 20 2016 | 08:12 AM

%e0%b4%a6%e0%b5%87%e0%b4%b6%e0%b5%80%e0%b4%af-%e0%b4%97%e0%b4%be%e0%b4%a8%e0%b4%82-%e0%b4%86%e0%b4%b0%e0%b5%8d%e2%80%8d%e0%b4%95%e0%b5%8d%e0%b4%95%e0%b5%86%e0%b4%a4%e0%b4%bf%e0%b4%b0%e0%b5%86

തിരുവനന്തപുരം: ദേശീയ ഗാനത്തെ സംബന്ധിച്ച കേസുകളില്‍ അറസ്റ്റ് ചെയ്യുന്നവര്‍ക്കെതിരേ രാജ്യദ്രോഹക്കുറ്റം ചുമത്തരുതെന്ന് മുഖ്യമന്ത്രി പിണറായി വിജയന്‍. ഇതു സംബന്ധിച്ച് അദ്ദേഹം പൊലിസിന് കര്‍ശന നിര്‍ദേശം നല്‍കിയിട്ടുണ്ട്.

ദേശീയ ഗാനത്തോട് അനാദരവ് കാണിച്ച കേസുകളില്‍ കുറ്റപത്രം സമര്‍പ്പിക്കുമ്പോള്‍ രാജ്യദ്രോഹകുറ്റം ഉണ്ടാകാന്‍ പാടില്ലെന്നും എന്നാല്‍ ദേശീയ ഗാനത്തെ അനാദരിച്ചാല്‍ കേസെടുക്കുന്നതിന് തടസമില്ലെന്നുമാണ് അദ്ദേഹം ഉത്തരവിട്ടത്. ഇന്നലെയാണ് ഇതു സംബന്ധിച്ച് പിണറായി നിര്‍ദേശം നല്‍കിയത്.

രാജ്യദ്രോഹക്കുറ്റമാരോപിച്ച് മനുഷ്യാവകാശ പ്രവര്‍ത്തകരായ കമാല്‍ സിയെയും നദീറിനെയും കഴിഞ്ഞ ദിവസം പൊലിസ് കസ്റ്റഡിയിലെടുത്തിരുന്നു. ഇരുവര്‍ക്കുമെതിരെ യു.എ.പി.എ ചുമത്തി എന്നും റിപ്പോര്‍ട്ടുണ്ടായരുന്നു. പൊലിസിന്റെ ഇത്തരം നടപടികള്‍ക്കെതിരേ വി.എസും കോടിയേരി ബാലകൃഷ്ണനും കാനം രാജേന്ദ്രനുമടക്കമുള്ള പ്രമുഖര്‍ രംഗത്തു വന്നിരുന്നു. ഇതിനെതുടര്‍ന്നാണ് പിണറായി കര്‍ശന നിര്‍ദേശം നല്‍കിയത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."