പരീക്ഷാഫലം
2016 ഓഗസ്റ്റില്‍ നടത്തിയ മൂന്നാം ബി.എ.എം.എസ് (സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനഃ പരിശോധനയ്ക്കും ഉള്ള അപേക്ഷകള്‍ ഡിസംബര്‍ 31 വരെ സ്വീകരിക്കും.

പ്രവേശന തിയതി നീട്ടി
സ്‌കൂള്‍ ഓഫ് ഇന്ത്യന്‍ ലീഗല്‍ തോട്ടില്‍ ത്രിവത്സര എല്‍.എല്‍.ബി(4പി.എം-9പി.എം) കോഴ്‌സില്‍ പ്രവേശനത്തിനുള്ള അവസാന തിയതി ഡിസംബര്‍ 23 വരെ നീട്ടി.

എല്‍.എല്‍.ബി
സംവരണ സീറ്റൊഴിവ്
സ്‌കൂള്‍ ഓഫ് ഇന്ത്യന്‍ ലീഗല്‍ തോട്ടില്‍ ത്രിവത്സര എല്‍.എല്‍.ബി (4പി.എം-9 പി.എം) കോഴ്‌സിന് പട്ടികവര്‍ഗ വിഭാഗത്തില്‍ നാല് സീറ്റുകള്‍ ഒഴിവുണ്ടണ്ട്. നോട്ടിഫിക്കേഷന്‍ പ്രകാരം നിശ്ചിത യോഗ്യതകളുള്ള എസ്.ടി വിദ്യാര്‍ഥികള്‍ ഡിസംബര്‍ 22 രാവിലെ 10 മണിക്ക് സ്‌കൂള്‍ ഓഫ് ഇന്‍ഡ്യന്‍ ലീഗല്‍ തോട്ടില്‍ നടക്കുന്ന സ്‌പോട്ട് അഡ്മിഷനില്‍ ബന്ധപ്പെട്ട എല്ലാ രേഖകളും സഹിതം ഹാജരാകണം. ഫോണ്‍ : 0481 2310165.

ലാബ് ടെക്‌നീഷ്യന്‍ ഒഴിവ്
സര്‍വകലാശാലാ ഹെല്‍ത്ത് സെന്ററില്‍ പ്രതിമാസം 12,500- രൂപ പ്രതിഫലത്തില്‍ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ ലാബ് ടെക്‌നീഷ്യനെ നിയമിക്കുന്നു. അംഗീകൃത ലാബ് ടെക്‌നീഷ്യന്‍ കോഴ്‌സ് ജയിച്ചവര്‍ക്ക് അപേക്ഷിക്കാം. പ്രവര്‍ത്തിപരിചയം: ഡിപ്ലോമക്കാര്‍ക്ക് രണ്ട് വര്‍ഷവും സര്‍ട്ടിഫിക്കറ്റ് കോഴ്‌സ് പാസായവര്‍ക്ക് 5 വര്‍ഷവും. പ്രായപരിധി 22 നും 40 നും മദ്ധ്യേ. താല്‍പര്യമുള്ളവര്‍ ബയോഡാറ്റായും സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകളും സഹിതം ഡെപ്യൂട്ടി രജിസ്ട്രാര്‍ 1 (ഭരണവിഭാഗം), മഹാത്മാഗാന്ധി സര്‍വകലാശാല, പ്രിയദര്‍ശിനി ഹില്‍സ് പി.ഒ, കോട്ടയം എന്ന വിലാസത്തില്‍ 2017 ജനുവരി ആറിന് മുന്‍പ് അപേക്ഷ സമര്‍പ്പിക്കണം. ഫോണ്‍ : 0481 2733302. വിശദവിവരങ്ങള്‍ സര്‍വകലാശാല വെബ്‌സൈറ്റില്‍.