ന്യൂഡല്‍ഹിമുംബൈ: കള്ളപ്പണക്കാരെക്കുറിച്ച് രഹസ്യവിവരങ്ങള്‍ നല്‍കാന്‍ കേന്ദ്രസര്‍ക്കാര്‍ അവതരിപ്പിച്ച ഇമെയില്‍ വിലാസത്തിലേക്ക് മൂന്ന് ദിവസം പിന്നിടുമ്പോള്‍ ലഭിച്ചത് 4,000ത്തോളം സന്ദേശങ്ങള്‍. യഹമരസാീില്യശിളീ@ശിരീാലമേഃ. ഴീ്.ശി എന്ന ഇമെയില്‍ വിലാസം സര്‍ക്കാര്‍ വെള്ളിയാഴ്ച്ചയാണ് പൊതുജനങ്ങള്‍ക്ക് മുന്നില്‍ അവതരിപ്പിച്ചത്. സ്വന്തം പേര് വെളിപ്പെടുത്താതെ ആര്‍ക്കും ഇ-മെയിലിലേക്ക് കള്ളപ്പണക്കാരെ കുറിച്ചുള്ള വിവരങ്ങള്‍ അയക്കാമെന്നും സര്‍ക്കാര്‍ അറിയിച്ചിരുന്നു. ഇതിനെതുടര്‍ന്നാണ് 4,000ത്തോളം സന്ദേശങ്ങള്‍ സര്‍ക്കാറിന് ലഭിച്ചത്.
പൊതുജനത്തിന്റെ ഭാഗത്ത് നിന്നും വലിയ പ്രതികരണമാണ് ഇതുവഴി ലഭിച്ചത്. നോട്ട് അസാധുവാക്കല്‍ തീരുമാനം പ്രഖ്യാപിച്ച നവംബര്‍ എട്ട് മുതല്‍ സംശയാസ്പദമായ നിക്ഷേപങ്ങളും അനധികൃതമായ പണ കൈമാറ്റവും ഹവാല പണിമിടപാടും ആദായനികുതി വകുപ്പ് കര്‍ശനമായി നിരീക്ഷിച്ചു വരികയാണ്. ധനകാര്യമന്ത്രാലയത്തിന് കീഴിലുള്ള ഫിനാന്‍ഷ്യല്‍ ഇന്റലിജന്‍സ് യൂണിറ്റും നിരീക്ഷണം ശക്താക്കിയിട്ടുണ്ട്. അനധികൃത പണമിടപാടും കൈമാറ്റവും നടക്കുന്നുണ്ടെങ്കില്‍ അത് സര്‍ക്കാരിനെ അറിയിക്കാന്‍ ജനങ്ങള്‍ക്ക് അവസരം നല്‍കുന്നതാണ് ഇ-മെയില്‍ വിലാസം.
രാജ്യത്തെ വിവിധ ഇടങ്ങളില്‍ നടത്തിയ റെയ്ഡുകളില്‍ ഇതുവരെ 250 കോടി മൂല്യമുള്ള പുതിയ കറന്‍സികള്‍ ആദായനികുതി വകുപ്പ് ഉദ്യോഗസ്ഥര്‍ക്ക് പിടിച്ചെടുക്കാനായിട്ടുണ്ടെന്നും കേന്ദ്ര ധനകാര്യ മന്ത്രാലയം അറിയിച്ചു.

ഗുജറാത്തില്‍ 650 കോടിയുടെ
സ്വത്തുക്കള്‍ കണ്ടെടുത്തു

സൂറത്ത്: അനധികൃത സമ്പാദ്യമുണ്ടെന്ന വിവരത്തെതുടര്‍ന്ന് ആദായ നികുതി വകുപ്പ് നടത്തികൊണ്ടിരിക്കുന്ന റെയ്ഡില്‍ ഇന്നലെ 650 കോടി രൂപയുടെ സമ്പാദ്യം കണ്ടെടുത്തു. സമ്പാദ്യത്തില്‍ 1.05 കോടി രൂപ 2000 രൂപ നോട്ടുകളാണ്. ചായക്കടക്കാരനില്‍ നിന്ന് സമ്പന്നനായി മാറിയ കിഷോര്‍ ബെയ്ജിവാലയില്‍ നിന്നാണ് ഇത്രയധികം സമ്പാദ്യം കണ്ടെടുത്തത്. ഇയാളുടെ 13 ബാങ്ക് ലോക്കറുകള്‍ തുറന്ന് പരിശോധിച്ചിട്ടുണ്ട്. ഇയാള്‍ ബി.ജെ.പി പ്രവര്‍ത്തകനാണെന്നാണ് വിവരം.