മലപ്പുറം: വിദ്യാര്‍ത്ഥിത്വം നാളെയുടെ നന്മക്ക് എന്ന പ്രമേയത്തില്‍ മലപ്പുറം മണ്ഡലം എംഎസ്എഫ് കമ്മിറ്റിയുടെ ആഭിമുഖ്യത്തില്‍ തുടക്കം കുറിച്ച കാമ്പയില്‍ പ്രഖ്യാപന സമ്മേളനം കോട്ടക്കുന്നില്‍ ഭാഷാസമര സ്മാരകത്തില്‍ മലപ്പുറം നിയോജക മണ്ഡലം മുസ്‌ലിംലീഗ് പ്രസിഡണ്ട് പി.ബീരാന്‍കുട്ടി ഹാജി ഉദ്ഘാടനം ചെയ്തു. സാലിഹ് മാടമ്പി അധ്യക്ഷനായി. കെ.ഫാരിസ് ആമുഖ പ്രഭാഷണം നടത്തി. കെ.എം ഷാഫി പ്രമേയാവതരണവും നടത്തി. മണ്ഡലം മുസ്‌ലിംലീഗ് ജന.സെക്രട്ടറി വി.മുസ്തഫ, പി.എ സലാം, ബാവ വിസപ്പടി, അഷ്‌റഫ് പാറച്ചോടന്‍, ഷരീഫ് ആനക്കയം, ഹുസൈന്‍ ഉള്ളാട്ട്, ഉസ്മാന്‍ കൊടക്കാടന്‍, ഷാഫി കാടേങ്ങല്‍, കെ.പി.എം മന്‍സൂര്‍, പി.പി മുജീബ് സംസാരിച്ചു. കാമ്പയിന്റെ ഭാഗമായി നടക്കുന്ന പഞ്ചായത്ത് കണ്‍വെന്‍ഷനുകള്‍ 25ന് സമാപിക്കും.