കോഴിക്കോട്: ജില്ലാ ഫുട്‌ബോള്‍ അസോസിയേഷന്റെ ആഭിമുഖ്യത്തില്‍ നടക്കുന്ന ജില്ലാ സി ഡിവിഷന്‍ ഫുട്‌ബോള്‍ ലീഗ് ചാംപ്യന്‍ഷിപ്പില്‍ ഇന്നലെ നടന്ന ആദ്യമത്സരത്തില്‍ ബ്രൗണ്‍ ഷൂട്ടേഴ്‌സ് ഒന്നിനെതിരേ നാലു ഗോളുകള്‍ക്ക് കൂരിയാല്‍ ബ്രദേഴ്‌സിനെ പരാജയപ്പെടുത്തി. രണ്ടാമത്തെ മത്സരത്തില്‍ ലിബറല്‍ സ്‌പോര്‍ട്‌സ് ക്ലബും ജൂനിയര്‍ യൂത്തും രണ്ടു വീതം ഗോളുകള്‍ അടിച്ച് സമനിലയില്‍ പിരിഞ്ഞു.
അവസാന മത്സരത്തില്‍ ഫുട്‌ബോള്‍ പ്ലെയേഴ്‌സ് അസോസിയേഷന്‍ ഒരു ഗോളിന് എന്‍.ഐ.ടിയെ പരാജയപ്പെടുത്തി. അഭിലാഷ് ഏകഗോള്‍ സ്‌കോര്‍ ചെയ്തു. ഉദ്ഘാടന  മത്സരത്തില്‍ യങ് ഇന്ത്യന്‍സ് എതിരില്ലാത്ത രണ്ടു ഗോളിന് സൊയൂസ് സ്‌പോര്‍ട്‌സ് ക്ലബിനെ പരാജയപ്പെടുത്തി.