ന്യൂഡല്‍ഹി: അഖിലേന്ത്യാ ഫുട്‌ബോള്‍ ഫെഡറേഷന്റെ ഈ വര്‍ഷത്തെ മികച്ച താരത്തിനുള്ള പുരസ്‌കാരം ജെജെ ലാല്‍പെഖുലെയ്ക്ക്. സീസണില്‍ മിന്നുന്ന പ്രകടനം നടത്തുന്നതാണ് താരത്തെ പുരസ്‌കാരത്തിനര്‍ഹനാക്കിയത്. നേരത്തെ ഫുട്‌ബോള്‍ പ്ലെയേഴ്‌സ് അസോസിയേഷന്റെ മികച്ച കളിക്കാരനുള്ള പുരസ്‌കാരവും ലാല്‍പെഖുലെ സ്വന്തമാക്കിയിരുന്നു.
മോഹന്‍ ബഗാന്‍, ചെന്നൈയിന്‍ ക്ലബുകള്‍ക്കും അതോടൊപ്പം ഇന്ത്യന്‍ ടീമിലും മിന്നുന്ന പ്രകടനമാണ് താരം കാഴ്ച്ചവച്ചത്. ഈ വര്‍ഷം പുരസ്‌കാര നേട്ടത്തോടെ അവിസ്മരണീയമായെന്ന് ലാല്‍പെഖുലെ പറഞ്ഞു.
കൂടുതല്‍ മികവ് പ്രകടിപ്പിക്കാന്‍ പുരസ്‌കാരം പ്രചോദനമാണെന്നും അദേഹം കൂട്ടിച്ചേര്‍ത്തു.