കണ്ണൂര്‍: കേരളാ ബാഖവി മജ്‌ലിസിന്റെ ആഭിമുഖ്യത്തില്‍ ഇന്നു കോഴിക്കോട് നടക്കുന്ന ദേശീയ ഫിഖ്ഹ് കോണ്‍ഫറന്‍സില്‍ ജില്ലയിലെ മുഴുവന്‍ പ്രവര്‍ത്തകരും പങ്കെടുക്കണമെന്ന് സമസ്ത ജില്ലാ പ്രസിഡന്റ് പി.കെ.പി അബ്ദുസലാം മുസ്‌ലിയാര്‍, ജനറല്‍ സെക്രട്ടറി മാണിയൂര്‍ അഹ്മദ് മുസ്‌ലിയാര്‍, ട്രഷറര്‍ കെ.കെ.പി അബ്ദുല്ല മുസ്‌ലിയാര്‍ എന്നിവര്‍ ആഹ്വാനം ചെയ്തു. കോണ്‍ഫറന്‍സില്‍ അവയവദാനം, അവയവമാറ്റം, ക്ലോണിങ്, മസ്തിഷ്‌ക മരണം, ദയാവധം, ടെസ്റ്റ് ട്യൂബ് ശിശു, കൃത്രിമ ബീജസങ്കലനം, ഭ്രൂണഹത്യ തുടങ്ങിയവയുടെ ഇസ്‌ലാമിക മാനം ചര്‍ച്ചചെയ്യും.