മഞ്ചേശ്വരം: രണ്ടു വ്യത്യസ്ത സംഭവങ്ങളിലായി പതിനേഴുകാരിയായ വിദ്യാര്‍ഥിനിയെയും ഭര്‍തൃമതിയെയും കാണാതായതായി പരാതി. മജീര്‍പ്പള്ള ധര്‍മ്മ നഗറിലെ 17കാരിയെയും തലപ്പാടി മരിയചര്‍ച്ചിനു സമീപത്തെ ഭര്‍തൃമതിയെയുമാണു കാണാതായത്.
കഴിഞ്ഞ ദിവസം പുലര്‍ച്ചെ മുതല്‍ കന്യാന സ്വകാര്യ കോളജിലെ വിദ്യാര്‍ഥിനിയായ മകളെ കാണാനില്ലെന്നാണു പിതാവ് മഞ്ചേശ്വരം പൊലിസില്‍ പരാതി നല്‍കി.
ഭാര്യയെ കഴിഞ്ഞ ദിവസം രാത്രി ഏഴു മുതല്‍ കാണാനില്ലെന്നാണ് ഭര്‍ത്താവിന്റെ പരാതിയില്‍ പറയുന്നത്. രണ്ടു സംഭവത്തിലും പൊലിസ് കേസെടുത്ത് അന്വേഷണം തുടങ്ങി.