വെള്ളാങ്ങല്ലൂര്‍: ദേശത്തിന്റെ ചരിത്രവും സൗന്ദര്യവും പത്തടി നീളമുള്ള കാന്‍വാസിലാക്കി വിദ്യാര്‍ഥികള്‍ വരച്ച ചിത്രം വ്യത്യസ്തമായി. വെള്ളാങ്ങല്ലൂര്‍ കല്‍പ്പറമ്പ് വടക്കുംകര ഗവ.യു.പി സ്‌കൂളിലെ വിദ്യാര്‍ഥികളാണ് ഒരു മാസം കൊണ്ട് കൂറ്റന്‍ ചിത്രമൊരുക്കിയത്. ചിത്രകാരനും ചിത്രകലാ അധ്യാപകനുമായ നന്ദകുമാര്‍ പായമ്മലിന്റെ മേല്‍നോട്ടത്തിലാണ് ചിത്രരചന പൂര്‍ത്തിയാക്കിയത്. പൂമംഗലം പഞ്ചായത്ത് വൈസ് പ്രസിഡന്റ് ഇ.ആര്‍ ദിനേശ് ചിത്രസമര്‍പ്പണം നടത്തി. പ്രധാനധ്യാപിക സി.ഐ അസ്മാബി,ബിജു ചന്ദ്രന്‍, അധ്യാപകരായ വി.എ ജെസി, സുനില്‍കുമാര്‍ സംസാരിച്ചു.