തിരുവനന്തപുരം: ഗാന്ധിയന്‍ സോഷ്യലിസം പ്രവൃത്തിയിലും ജീവിതത്തിലും ഒരുപോലെ സ്വാംശീകരിച്ച നേതാവായിരുന്നു പി.വിശ്വംഭരനെന്ന് എ.കെ.ആന്റണി.
അന്തരിച്ച സോഷ്യലിസറ്റ് നേതാവ് പി.വിശ്വംഭരനെ അനുസ്മരിക്കുന്നതിന് പി.വിശ്വംഭരന്‍ഫൗണ്ടേണ്ടഷന്‍ ഗാന്ധിഭവനില്‍ സംഘടിപ്പിച്ച 'സ്ൃമതിസായാഹ്ന'ത്തില്‍ സംസാരിക്കുകയായിരുന്നു അദ്ദേഹം.ആദര്‍ശത്തിലും വിശ്വാസപ്രമാണങ്ങളിലും ഒരിക്കലും വിട്ടുവീഴ്ച ചെയ്യാത്ത നേതാവായിരുന്നുവെന്നും അതുകൊണ്ടാണ് പൊതുപ്രവര്‍ത്തനരംഗത്ത് പ്രകാശഗോപുരമായി അദ്ദേഹം നിലകൊണ്ടതെന്നും ആന്റണി പറഞ്ഞു. സാമൂഹിക രാഷ്ട്രീയ ജീവിതത്തിന്റെ കയറ്റിറക്കങ്ങളില്‍ സോഷ്യലിസ്റ്റ് ആശയങ്ങളുടെ സംശുദ്ധി പ്രസരിപ്പിക്കാനാണ് വിശ്വംഭരന്‍ ശ്രമിച്ചതെന്ന് വി എസ് അച്ചുതാനന്ദന്‍ പറഞ്ഞു. മന്ത്രി മാത്യു.ടി. തോമസ് അധ്യക്ഷനായി. ഒ.രാജഗോപാല്‍, സ്വാമി പ്രകാശാനന്ദ, പി.ഗോപിനാഥന്‍നായര്‍, സി.കെ.നാണു. മുല്ലക്കര രത്‌നാകരന്‍, മലയിന്‍കീഴ് ഗോപാലകൃഷ്ണന്‍ എന്നിവര്‍ സംസാരിച്ചു.