പറവൂര്‍: ക്ഷേമ പെന്‍ഷനുകള്‍ മുടക്കം കൂടാതെ വിതരണം ചെയ്യണമെന്ന് സീനിയര്‍ സിറ്റിസണ്‍ സര്‍വീസ് കൗണ്‍സില്‍ പറവൂര്‍ മണ്ഡലം സമ്മേളനം ആവശ്യപ്പെട്ടു. വയോമിത്രം പദ്ധതിയുടെ ഭാഗമായി എല്ലാ പഞ്ചായത്തുകളിലും പകല്‍വീടുകള്‍ നടപ്പിലാക്കണമെന്നും യോഗം പ്രമേയം പാസാക്കി. പറവൂര്‍ പി.വി.എസ് ഹാളില്‍ ഒ.എസ് പ്രതാപ് സിങ്ങിന്റെ അദ്ധ്യക്ഷതയില്‍ സമ്മേളനം ജില്ലാ കമ്മിറ്റിയംഗം സി.വി ബോസ് ഉദ്ഘാടനം ചെയ്തു.കെ.എം ഷംസുദീന്‍,കെ.കെ ശിവരാമന്‍ തുടങ്ങിയവര്‍ സംസാരിച്ചു. പുതിയ ഭാരവാഹികളായി ഒ എസ് പ്രതാപ്‌സിംഗ് (പ്രസിഡന്റ്)കെ.എസ് മൈത്രി,അപ്പു കരുവേലില്‍ (വൈസ് പ്രസിഡന്റ്) കെ.എം ഷംസുദീന്‍ (ജനറല്‍ സെക്രട്ടറി) സി.വി ബോസ്,ശിവരാമന്‍ (ജോ: സെക്രട്ടറി) പി.എ ബാബു ഖജാഞ്ചി എന്നിവരടങ്ങുന്ന കമ്മിറ്റിയെയും തെരഞ്ഞെടുത്തു.