മാവൂര്‍: മാവൂരിലെ ജലസ്രോതസ്സുകളില്‍ തള്ളിയ ഒരുലോഡ് മാലിന്യം നാട്ടുകാര്‍ തിരിച്ച് ലോറിയില്‍ കയറ്റിവിട്ടു. കഴിഞ്ഞ ദിവസം അര്‍ദ്ധരാത്രിയാണ് കടകളില്‍നിന്ന് ഒഴിവാക്കിയ മാലിന്യം ചാക്കില്‍കെട്ടി തെങ്ങിലക്കടവ്- പൈപ്പ്‌ലൈന്‍ റോഡില്‍ പുത്തന്‍ക്കുളത്തിനുസമീപവും കല്‍ച്ചിറ ക്ഷേത്രത്തിനു സമീപവും തള്ളിയത്. നാട്ടുകാര്‍ ചാക്കുകള്‍കെട്ടഴിച്ച് നടത്തിയ പരിശോധനയില്‍ പുവ്വാട്ടുപറമ്പിലെ സ്വകാര്യ സൂപ്പര്‍മാര്‍ക്കറ്റിലെ ബില്ലുകളും മറ്റ് രേഖകളും കണ്ടെത്തുകയായിരുന്നു. ഇതേതുടര്‍ന്ന് നാട്ടുകാര്‍ മാവൂര്‍ പൊലിസില്‍ നല്‍കി. തുടര്‍ന്ന് സൂപ്പര്‍ മാര്‍ക്കറ്റ് ഉടമകളെ വിളിച്ചു വരുത്തി വെള്ളക്കെട്ടില്‍ തള്ളിയ മാലിന്യം തിരിച്ച് ലോറിയില്‍ കയറ്റിവിട്ടു.