ആലപ്പുഴ: മനുഷ്യ ചങ്ങല വിജയിപ്പിക്കുവാന്‍ നാടെങ്ങും കാല്‍നട പ്രചരണജാഥകള്‍ നോട്ട് പ്രതിസന്ധി പരിഹരിക്കുക, സഹകരണമേഖലയെ സംരക്ഷിക്കുക തുടങ്ങിയ ആവശ്യങ്ങള്‍ ഉന്നയിച്ച് ഡിസംബര്‍ 29 കാസര്‍കോട് മുതല്‍ തിരുവനന്തപുരം വരെ എല്‍.ഡി.എഫ്. നേതൃത്വത്തില്‍ മനുഷ്യചങ്ങല നടത്തുന്നു. ആലപ്പുഴ ജില്ലയില്‍ അരൂര്‍ മുതല്‍ ഓച്ചിറ വരെ 115 കിലോമീറ്റര്‍ നീളത്തിലാണ് ചങ്ങല പിടിക്കുന്നത്.
പ്രചരണ പ്രവര്‍ത്തനത്തിന്റെ ഭാഗമായി ജില്ലയിലെ മുഴുവന്‍ പഞ്ചായത്ത്, മുനിസിപ്പല്‍ കേന്ദ്രങ്ങളിലുമായി 82 കാല്‍നട പ്രചരണ ജാഥകള്‍ ഇന്നു സംഘടിപ്പിച്ചു.
വലിയ ജനപങ്കാളിത്തത്തോടെയുള്ള കാല്‍ നടപ്രചരണജാഥകള്‍ക്ക് നാടെങ്ങും ആവേശകരമായ സ്വീകരണമാണ് ലഭിച്ചത്.
സി.പി.എം. ജില്ലാ സെക്രട്ടറി സ:സജിചെറിയാന്‍ വെണ്മണി പഞ്ചായത്തിലും സി.പി.ഐ. ജില്ലാ സെക്രട്ടറി റ്റി.ജെ. ആഞ്ചലോസ് ചേര്‍ത്തല നഗരസഭയിലും ജാഥാക്യാപ്റ്റന്‍മാരായിരുന്നു.
സി.ബി.ചന്ദ്രബാബു(അരൂര്‍), സി.എസ്.സുജാത(രാമന്‍ങ്കരി), കെ പ്രസാദ്(ചേര്‍ത്തല), ആര്‍ നാസര്‍ (കഞ്ഞിക്കുഴി), ജി.വേണുഗോപാല്‍(മുഹമ്മ), ഡി.ലക്ഷ്മണന്‍, വി.എം.ഹരിഹരന്‍, അഡ്വ.ബിജിലി ജോസഫ്(ആലപ്പുഴ നഗരസഭ), എച്ച്.സലാം(പുന്നപ്ര തെക്ക്), ജി കൃഷ്ണപ്രസാദ ്(പുന്നപ്ര വടക്ക്), സുല്‍ഫിക്കര്‍ മയൂരി(തൃക്കുന്നപ്പുഴ),കെ.രാഘവന്‍(നൂറനാട്), എ.മഹേന്ദ്രന്‍(അമ്പലപ്പുഴ), എം.എ.അലിയാര്‍ (ചെട്ടികുളങ്ങര), എം.സുരേന്ദ്രന്‍ (മുതുകുളം), ടി.കെ.ദേവകുമാര്‍(ഹരിപ്പാട്), ആര്‍.രാജേഷ് എം.എല്‍.എ. (വള്ളികുന്നം), കെ.കെ.രാമചന്ദ്രന്‍ നായര്‍ എം.എല്‍.എ. (ചെങ്ങന്നൂര്‍) എന്നിവര്‍ വിവിധ ജാഥകള്‍ക്ക് നേതൃത്വം നല്‍കി.