മറയൂര്‍: മേഖലയില്‍ വീണ്ടും ചന്ദന മോഷണം. ദിണ്ഡുകൊമ്പ് കോളനിയിലെ ട്രൈബല്‍ ഹോസ്റ്റലിന് എതിര്‍വശത്തായുള്ള ഈശ്വരന്റെ വീട്ട് വളപ്പില്‍ നിന്നിരുന്ന ചന്ദനമരമാണ് കഴിഞ്ഞ ദിവസം മോഷ്ടാക്കള്‍ വെട്ടിക്കടത്തിയത്. രണ്ട് ലക്ഷം രൂപയോളം വിലമതിക്കുന്ന ചന്ദനമരമാണ് വെട്ടിക്കടത്തിയത്.
സ്വകാര്യ ഭൂമിയിലെ ചന്ദനമോഷണം അന്വേഷിക്കേണ്ട ഉത്തരവാദിത്വം പൊലിസിനു മാത്രമാണെന്ന മട്ടിലാണ് വനം വകുപ്പ്.
കഴിഞ്ഞ ദിവസങ്ങളില്‍ ചന്ദനമോഷണം നടന്നത് വനം വകുപ്പ് ഓഫീസിനും പൊലിസ് സ്റ്റേഷന് സമീപത്ത് നിന്നുമായിട്ട് പോലും അന്വേഷണം എങ്ങുമെത്താത്തത് മോഷ്ടാക്കള്‍ക്ക് പ്രോല്‍സാഹനം നല്‍കുന്നതിന് തുല്യമാണെന്ന് നാട്ടുകാര്‍ ആരോപിക്കുന്നു.