ഒവിഡിയോ (സ്‌പെയിന്‍): ഇസ്‌റാഈലില്‍നിന്ന് ആയുധം വാങ്ങാനുള്ള കരാര്‍ റദ്ദാക്കി സ്‌പെയിന്‍. നേരത്തെ ഇസ്‌റാഈലിലേക്ക് ആയുധങ്ങള്‍ കയറ്റി അയക്കുന്നതും സ്‌പെയിന്‍ റദ്ദാക്കിയിരുന്നു. ഇതിന്റെ രണ്ടാംഘട്ടമായാണ് സ്‌പെയിന്‍ പൊലിസിന് ഇസ്‌റാഈലില്‍നിന്നുള്ള ആയുധം വാങ്ങുന്നത് റദ്ദാക്കിയത്.

'ഗസ്സയില്‍ ഇസ്‌റാഈല്‍ വംശഹത്യക്ക് തുടക്കമിട്ടപ്പോള്‍ തന്നെ അവര്‍ക്ക് ആയുധം നല്‍കുന്നതില്‍ നിന്ന് ഞങ്ങള്‍ പിന്മാറിയിരുന്നു. ഇനി അവരില്‍ നിന്ന് വാങ്ങുന്നതും ഞങ്ങള്‍ അവസാനിപ്പിക്കുകയാണ്' സ്‌പെയില്‍ പ്രസ്താവനയില്‍ പറയുന്നു.  

ഇസ്‌റാഈല്‍ കമ്പനിയില്‍നിന്ന് 15.3 ദശലക്ഷം വെടിയുണ്ടകള്‍ വാങ്ങാനുള്ള 7.2 ദശലക്ഷം ഡോളറിന്റെ കരാറാണ് റദ്ദാക്കിയത്. ഗസ്സയിലെ ആക്രമണം തുടരുന്ന പശ്ചാത്തലത്തില്‍ ഇസ്‌റാഈലിന് ആയുധങ്ങള്‍ നല്‍കാനാകില്ലെന്ന് ഒക്ടോബര്‍ 21 ന് സ്‌പെയിന്‍ തീരുമാനമെടുത്തിരുന്നു.