കോട്ടയം: ഏറ്റുമാനൂര്‍ ക്ഷീരവികസന വകുപ്പിന്റെയും മാന്നാനം കുമാരനാശന്‍ മെമ്മോറിയല്‍ പബ്ലിക് ലൈബ്രറിയുടെയും സംയുക്ത ആഭിമുഖ്യത്തില്‍ ഇന്ന് കര്‍ഷക സമ്പര്‍ക്ക പരിപാടി നടത്തും. ഉച്ചകഴിഞ്ഞ് രണ്ടിന് മാന്നാനം മൃഗാശുപത്രി ഹാളില്‍ ക്ഷീരകര്‍ഷകരേയും പാല്‍ ഉല്‍പാദകരേയും ഉള്‍പ്പെടുത്തിയാണ് പരിപാടി നടത്തുക . ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് പി. വി മൈക്കിള്‍ പരിപാടി ഉദ്ഘാടനം ചെയ്യും.
അതിരമ്പുഴ ഗ്രാമ പഞ്ചായത്ത് പ്രസിഡന്റ് ആന്‍സ് വര്‍ഗ്ഗീസ് അധ്യക്ഷത വഹിക്കും. ഏറ്റുമാനൂര്‍ ക്ഷീര വികസന ഓഫീസര്‍ കെ.ആര്‍ രേവതിക്കുട്ടി, അതിരമ്പുഴ ഗ്രാമപഞ്ചായത്ത് വെറ്റിനറി സര്‍ജന്‍ ഡോ. കെ. എച്ച് ഹസ്സീന എന്നിവര്‍ ക്ലാസ് എടുക്കും. മാന്നാനം കുമാരനാശാന്‍ മെമ്മോറിയല്‍ പബ്ലിക് ലൈബ്രറി പ്രസിഡന്റ് കെ.റ്റി. ഗോപി സ്വാഗതവും ഡയറിഫാം ഇന്‍സ്ട്രക്ടര്‍ എം. വി കണ്ണന്‍ നന്ദിയും പറയും.