എളവള്ളി: കാക്കശ്ശേരി ഗവ.എല്‍.പി സ്‌കൂളില്‍ പച്ചക്കറി തോട്ടം നിര്‍മിക്കുന്നതിനു വേണ്ടി വിത്തിറക്കല്‍ ഉത്സവം നടത്തി.
എളവള്ളി ഗ്രാമപഞ്ചായത്ത് പ്രസിഡന്റ് ഇന്‍ചാര്‍ജ് ടി.സി മോഹനന്‍ ഉദ്ഘാടനം ചെയ്തു. വാര്‍ഡ് മെമ്പര്‍ പി.കെ ഓമന, ഷാജി കാക്കശ്ശേരി, എം.എസ് കുമാരന്‍ മാസ്റ്റര്‍, ശങ്കരന്‍ കാക്കശ്ശേരി, പ്രധാനാധ്യാപിക കെ.ടി ഉഷ, സി.ഡി.എസ് മെമ്പര്‍ സരസ്വതി അജയന്‍, പി.ടി.എ അംഗങ്ങള്‍, തൊഴിലുറപ്പ് തൊഴിലാളികള്‍ തുടങ്ങിയവര്‍ നേതൃത്വം നല്‍കി. വെണ്ട, പയര്‍, മത്തന്‍, വെള്ളരി, കുമ്പളം, പടവലം എന്നീ വിത്തുകളാണ് നട്ടത്.