കളിക്കൂട്ടുകാരനൊപ്പം ഓര്മകള് പങ്കിടാന് കാനായി എത്തി
ചെറുവത്തൂര്: വര്ഷങ്ങള്ക്കിപ്പുറമുള്ള കൂടിച്ചേരലായിരുന്നു അത്. കുട്ടിക്കാലത്ത് ഒരുമിച്ചു കളിച്ചു നടന്ന കൂട്ടുകാരനെ കണ്ടപ്പോള് ശില്പി കാനായി കുഞ്ഞിരാമന് ഓര്മകളുടെ മധുരം. പൂരക്കളി മറത്തുകളി രംഗത്ത് ആറുപതിറ്റാണ്ട് പിന്നിടുന്ന പിലിക്കോട് മാധവന് പണിക്കരെ ആദരിക്കാനാണ് കാനായി ജന്മനാട്ടില് എത്തിയത്.
രക്തബന്ധമുണ്ടെങ്കിലും അതിലുമപ്പുറം സുഹൃത്തുക്കളായിരുന്നു ഇരുവരും. പിലിക്കോടുവയലില് കുഞ്ഞിരാമന് പണിക്കര് സ്മാരക ഗുരുകുലത്തിന്റെ നേതൃത്വത്തില് 24നു മാധവീയം എന്ന പേരില് മാധവന് പണിക്കരെ ആദരിക്കുന്നുണ്ട്. അന്നു കാനായി ചടങ്ങില് പങ്കെടുക്കേണ്ടതാണ്. എന്നാല് അന്ന് എത്താന് സാധിക്കാത്തതിനാലാണു രണ്ടുദിവസം നേരത്തെ മാധവന് പണിക്കരുടെ വീട്ടിലെത്തി അദ്ദേഹത്തെ പൊന്നാടയണിയിച്ച് ആദരിച്ചത്.
വിശ്വംഭരന് പണിക്കര്, എം.വി തമ്പാന് പണിക്കര്, എം കുഞ്ഞികൃഷ്ണന് പണിക്കര്, ടി.വി മധുസൂദനന് പണിക്കര്, എ സുകുമാരന് എന്നിവരും സംബന്ധിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."