ന്യൂഡല്‍ഹി: സാമ്പത്തിക ഉപരോധം രൂക്ഷമായ മണിപ്പൂര്‍ കേന്ദ്ര മന്ത്രി ഊര്‍ജിത് സിങ് സന്ദര്‍ശിച്ചു. പ്രക്ഷോഭങ്ങള്‍ തണുപ്പിക്കാന്‍ സര്‍ക്കാരുമായി ചര്‍ച്ച നടത്താനാണ് സിങ് ഇവിടെയെത്തിയത്. 

ഇംഫാല്‍ ജില്ലയില്‍ യുനൈറ്റഡ് നാഗ കൗണ്‍സിലിന്റെ നേതൃത്വത്തിലാണ് സംസ്ഥാനത്ത് വലിയ പ്രക്ഷോഭങ്ങള്‍ സംഘടിപ്പിച്ചിരുന്നത്. സംഘര്‍ഷത്തെത്തുടര്‍ന്ന് ഇവിടെ കര്‍ഫ്യൂ പ്രഖ്യാപിച്ചിരുന്നു.
ഇപ്പോള്‍ പ്രദേശം സാധാരണ നിലയിലേക്ക് മടങ്ങിയിട്ടുണ്ടെന്നാണ് സംസ്ഥാന സര്‍ക്കാര്‍ വൃത്തങ്ങള്‍ അറിയിച്ചത്. സാമ്പത്തിക ഉപരോധത്തെ തുടര്‍ന്ന് മൂന്ന് സര്‍ക്കാര്‍ ഓഫിസുകളും നിരവധി വാഹനങ്ങളും തകര്‍ത്തിരുന്നു. ഇതിനെത്തുടര്‍ന്നാണ് കേന്ദ്രസര്‍ക്കാര്‍ പ്രശ്‌നത്തില്‍ ഇടപെട്ടത്.