സുള്ള്യ: ദുഗ്ഗലടുക്ക മഖാം ഉറൂസ്, തര്‍ബിയത്തുല്‍ ബുഖാരിയ അറബി കോളജ് ഇരുപത്തിയൊന്നാം വാര്‍ഷിക സമ്മേളന ചടങ്ങുകള്‍ നാളെ സമാപിക്കും. ഇന്നു വൈകുന്നേരം ഏഴിനു നടക്കുന്ന മതപ്രഭാഷണം ബഷീര്‍ ഫൈസി അല്‍ ഹാമിദി നിര്‍വഹിക്കും.
സയ്യിദ് ആഷിഖ് തങ്ങള്‍ അല്‍ബുഖാരി പ്രാര്‍ഥനയ്ക്കു നേതൃത്വം നല്‍കും. സമാപന ദിവസമായ നാളെ സയ്യിദ് ഫസല്‍ ഹാമിദ് തങ്ങള്‍ അല്‍ ബുഖാരി ചടങ്ങ് ഉദ്ഘാടനം ചെയ്യും. രാത്രി ഒന്നിനു നടക്കുന്ന ഖുതുബിയ്യത്ത് പാരായണത്തിനു സയ്യിദ് എന്‍.പി.എം സൈനുല്‍ ആബിദീന്‍ തങ്ങള്‍ അല്‍ ബുഖാരി കുന്നുംകൈ നേതൃത്വം നല്‍കും. രാവിലെ 5.30നു അന്നദാനം വിതരണം നടത്തും.
അസ്സയ്യിദ് ഫഖ്‌റുദ്ധീന്‍ തങ്ങള്‍ അല്‍ ബുഖാരി  മഖാം കെട്ടിടത്തിന്റെ ഉദ്ഘാടനം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ കഴിഞ്ഞ ദിവസം നിര്‍വഹിച്ചു.