ഹരിപ്പാട്: കാര്‍ത്തികപ്പള്ളി താലൂക്ക് ഓഫീസിന്റെ പ്രവര്‍ത്തനം ഹരിപ്പാട്ടു നിന്നും കായംകുളത്തേക്ക് മാറ്റുന്നുവെന്നാരോപിച്ച് കോണ്‍ഗ്രസും ,ബി.ജെ.പി.യും നടത്തിയ ഹര്‍ത്താല്‍ പൂര്‍ണ്ണം. കടകമ്പോളങ്ങള്‍ അടഞ്ഞുകിടന്നു. സര്‍ക്കാര്‍ ഓഫീസുകളും സ്‌കൂളുകളും പ്രവര്‍ത്തിച്ചില്ല. സ്വകാര്യ ബസ് സര്‍വ്വീസുകളും കെ.എസ്.ആര്‍.ടി ലോക്കല്‍ ഷെഡ്യൂളുകളും മുടങ്ങി. കോണ്‍ഗ്രസ് നിയോജകമണ്ഡലം കമ്മറ്റിയുടെ നേതൃത്വത്തിലുള്ള താലൂക്ക് ഓഫീസ് രാപ്പകല്‍ ഉപരോധം തുടരുന്നതിനാല്‍ ഇന്നലെയും താലൂക്ക് ഓഫീസ് തുറക്കാന്‍ അനുവദിച്ചില്ല.
സംഘര്‍ഷം ഒഴുവാക്കാന്‍ താലൂക്ക് ഓഫീസിന് മുമ്പില്‍ വന്‍ പൊലീസ് സന്നാഹമാണ് നിലയുറപ്പിച്ചിരിക്കുന്നത്. ഹര്‍ത്താലിനോടനുബന്ധിച്ച് അനിഷ്ട സംഭവങ്ങള്‍ ഒന്നും തന്നെ റിപ്പോര്‍ട്ട് ചെയ്തിട്ടില്ല. ഹര്‍ത്താലിനോട് ജനങ്ങള്‍ക്ക് സമിശ്ര പ്രതികരണമായിരുന്നു. എന്നാല്‍ ജനങ്ങള്‍ പൂര്‍ണ്ണ തോതില്‍ പിന്തുണ നല്‍കിയെന്ന് കോണ്‍ഗ്രസും ബി.ജെ.പിയും അവകാശപ്പെട്ടു.
ഹര്‍ത്താലിനോടനുബന്ധിച്ച് കോണ്‍ഗ്രസ് നഗരത്തില്‍ നടത്തിയ പ്രകടനത്തില്‍ നേതാക്കളായ എം.എം ബഷീര്‍, എം.കെ വിജയന്‍, എസ്.വിനോദ് കുമാര്‍, എം.ആര്‍ ഹരികുമാര്‍, കെ.കെ സുരേന്ദ്രനാഥ്, എസ്.ദീപു, അഡ്വ.ഷുക്കൂര്‍, ശ്രീദേവി, മുഞ്ഞിനാട് രാമചന്ദ്രന്‍, ബിനു ചുള്ളിയില്‍, സുജിത്.സി, എം.സജീവ്, ബി.ബാബുരാജ് എന്നിവര്‍ നേതൃത്വം നല്‍കി.
ബി.ജെ.പി നടത്തിയ പ്രകടനത്തിന് നേതാക്കളായ കെ.എസ് വിനോദ്, പ്രണവം ശ്രീകുമാര്‍, ടി.മുരളി, എന്‍.ചിത്രാംഗദന്‍, എച്ച്.ഹര്‍ഷന്‍, രാജന്‍, എം.ശിവദാസ്, ഷാജി, സുമാ രാജു, ഗീതാ എസ്.പിള്ള, മീര, ശ്രീനിവാസന്‍, ആര്‍.രാജേഷ് എന്നിവര്‍ നേതൃത്വം നല്‍കി.
ആര്‍.എസ്.പി മണ്ഡലം കമ്മറ്റിയുടെ ആഭിമുഖ്യത്തില്‍ നഗരത്തില്‍ പ്രകടനവും യോഗവും നടത്തി. യോഗം ആര്‍.എസ്.പി ജില്ലാ സെക്രട്ടറി അഡ്വ.ബി.രാജശേഖരന്‍ ഉദ്ഘാടനം ചെയ്തു. അനില്‍.ബി.കള്തില്‍ അദ്ധ്യക്ഷനായി.
എസ്.എസ്.ജോളി, സി.രാജലക്ഷ്മി, ഡി.രാജഗോപാല്‍, അഡ്വ.എസ്.നൗഷാദ്, എം.കൃഷ്ണകുമാര്‍, എന്‍.ശ്രീധരന്‍, ആര്‍.മോഹനന്‍, സുമതിക്കുട്ടിയമ്മ, ദേവിപ്രിയന്‍, സുരീഷ് കുമാര്‍, അനില്‍ ബാബു, ഗോപി. അശോകന്‍ അന്നിവര്‍ പങ്കെടുത്തു.