മഞ്ചേരി: പ്ലാസ്റ്റിക്ക് പേനയുടെ ഉപയോഗം കുറക്കുന്നതിനും വിദ്യാര്‍ഥികളില്‍ അവബോധം സൃഷ്ടിക്കുന്നതിനുമായി മഞ്ചേരി കെ.എ എച്ച്.എം യൂനിറ്റി വിമിന്‍സ് കോളജിലെ വിമന്‍ സെല്‍, എന്‍.എസ്.എസ് എന്നിവയുടെ ആഭിമുഖ്യത്തില്‍ പ്ലാസ്റ്റിക്ക് പേനകള്‍ ശേഖരിച്ചു. ഗ്രീന്‍ കാംപസ് പദ്ധതിയുമായി ബന്ധിപ്പിച്ചാണ് പരിപാടി ആസൂത്രണം ചെയ്തത്.
വിദ്യാര്‍ഥികളുടെ നേതൃത്വത്തില്‍ ഇതുസംബന്ധിച്ച ബോധവല്‍ക്കരണ ക്ലാസുകളും നടത്തി. കേരള ശുചിത്വമിഷന്റെ സഹകരണത്തോടെ നടപ്പിലാക്കുന്ന പദ്ധതി വഴി വിദ്യാര്‍ഥികള്‍ ശേഖരിച്ച മുഴുവന്‍ പേനകളും കൊച്ചി ബിനാലെ ഇന്‍സ്റ്റലേഷനിലേക്ക് അയക്കുകയാണ് ചെയ്യുക.