പാലക്കാട്: പട്ടികവര്‍ഗ വികസന വകുപ്പിന്റെ ആഭിമുഖ്യത്തില്‍ പാലക്കാട് ഗവ. വിക്ടോറിയ കോളജ് ഗ്രൗണ്ടില്‍ നടക്കുന്ന മോഡല്‍ റസിഡന്‍ഷ്യല്‍ സ്‌കൂള്‍, പ്രീമെട്രിക്ക് ഹോസ്റ്റല്‍ വിദ്യാര്‍ഥികളുടെ സംസ്ഥാന കലാമേള 'സര്‍ഗോത്സവ'ത്തിന്റെ പന്തല്‍ കാല്‍ സ്ഥാപിക്കല്‍ കോളജ് ഗ്രൗണ്ടില്‍ ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി നിര്‍വഹിച്ചു. ഡിസംബര്‍ 29 മുതല്‍ 31വരെയാണ് കലാമേള നടക്കുന്നത്.
വിക്ടോറിയ കോളജ് ഗ്രൗണ്ടില്‍ സജ്ജമാക്കുന്ന സൈരന്ധ്രി, സിറുവാണി, ഗായത്രി, കണ്ണാടി, പഞ്ചമി എന്നീ അഞ്ച് വേദികളുടെ പ്രഖ്യാപനവും പരിപാടിയോടനുബന്ധിച്ച് നടന്നു. ജൂനിയര്‍, സീനിയര്‍ തലത്തില്‍ 30 ഇനമത്സരങ്ങളാണ് ഈ വേദികളിലായി നടക്കുക.