അടിമാലി : മന്നാങ്കാലയില്‍ പുനര്‍നിര്‍മിച്ച മസ്ജിദിന്റേയും ജുമുഅ ആരംഭത്തിന്റേയും ഉദ്ഘാടനം നടന്നു.
കോഴിക്കോട് വലിയ ഖാസി പാണക്കാട് നാസിര്‍ അബ്ദുള്‍ഹയ്യ് ഷിഹാബുദ്ദീന്‍ തങ്ങള്‍ ജുംഅ നമസ്‌ക്കാരത്തിന് നേതൃത്വം നല്‍കി ഉദ്ഘാടനം നിര്‍വഹിച്ചു.
രണ്ടരയ്ക്ക് ആരംഭിച്ച സംസ്‌ക്കാരിക സമ്മേളനം അടിമാലി ടൗണ്‍ ഇമാം അര്‍ഷദ് ഫലാഹി ഉദ്ഘാടനം ചെയ്യ്തു. അടിമാലി ജമാഅത്ത് പ്രസിഡന്റ് നവാസ് മീരാന്‍ അധ്യക്ഷത വഹിച്ചു. സുല്‍ഫുദ്ദീന്‍ തങ്ങള്‍ ദുആയ്ക്ക് നേതൃത്വം നല്‍കി. എം.എം അഷറഫ് ഫൈസി, ഫാദര്‍ തോമസ് ആനികുഴിക്കാട്ടില്‍, ഐസക്ക് കോര്‍ എപ്പിസ്‌കോപ്പ, മഠത്തുംമുറി അജിത്ത് ശാന്തി എന്നിവര്‍ പ്രഭാഷണം നടത്തി.
ചടങ്ങില്‍ ഇബ്രാഹിം ചിറ്റേത്ത്കുടി, ത്വാഹ കാഞ്ഞിരംമുകളേല്‍, സുനീര്‍ കാരിമറ്റം തുടങ്ങിയവര്‍ പ്രസംഗിച്ചു. വൈകിട്ട ് നടന്ന സ്വലാത്ത് മജ്‌ലിസ് പാനിപ്ര ഖാലിദ് ഉസ്താദ് നയിച്ചു. തുടര്‍ന്ന് മാഹിന്‍ മന്നാനി വെമ്പായം മതപ്രഭാഷണംനടത്തി. ചടങ്ങില്‍ ആയിര കണക്കിന് വിശ്വാസികള്‍ പങ്കെടുത്തു.