കണ്ണൂര്‍: പാപ്പിനിശ്ശേരി ജാമിഅ അസ്അദിയ്യ ഇസ്‌ലാമിയ്യ രജത ജൂബിലി ഏഴാം സനദ്ദാന മഹാസമ്മേനത്തിന്റെ ഭാഗമായ 'ഇന്‍സൈറ്റ് എക്‌സ്‌പോ 2016' പ്രദര്‍ശനത്തിന് 28നു തുടക്കമാകും. ശാസ്ത്രലോകം, ഖുര്‍ആന്‍ ഹദീസ് പഠനം, പഴമയുടെ ലോകം, അന്ധരുടെ ഖുര്‍ആന്‍ പാരായണം, ത്രിഡി ഷോ, കൗതുകലോകം, എല്‍.സി.ഡി പ്രദര്‍ശനം, ചിത്ര പ്രദര്‍ശനം തുടങ്ങി അറിയുവാനും പഠിക്കുവാനുമുള്ള പ്രദര്‍ശനം ഒന്നിന് ഉച്ചയ്ക്ക് ഒന്നുവരെ പാപ്പിനിശ്ശേരി വെസ്റ്റിലെ അസ്അദിയ്യ കാംപസില്‍ നടക്കും. വൈകുന്നേരം നാലിന് ഐ.ജി ദിനേന്ദ്ര കശ്യപ് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനാകും. തളിപ്പറമ്പ് നഗരസഭാ ചെയര്‍മാന്‍ മഹമ്മൂദ് അള്ളാംകുളം സ്റ്റാള്‍ ഉദ്ഘാടനം ചെയ്യും. ഡെപ്യൂട്ടി കലക്ടര്‍ ഒ മുഹമ്മദ് അസ്‌ലം മുഖ്യാതിഥിയാകും.