തിരൂര്‍: നോട്ടുനിരോധനത്തെക്കുറിച്ച് ധനമന്ത്രി ഡോ. തോമസ് ഐസക്ക് എഴുതിയ 'കളപ്പണവേട്ട: മിഥ്യയും യാഥാര്‍ഥ്യവും' എന്ന പുസ്തകം ഇന്നു വൈകിട്ടു നാലിനു തിരൂര്‍ തുഞ്ചന്‍പറമ്പില്‍ എം.ടി വാസുദേവന്‍ നായര്‍ പ്രകാശനം ചെയ്യും. സംസ്‌കൃത സര്‍വകലാശാല അസോ. പ്രൊഫ. കെ.ടി ശംസാദ് ഹുസൈന്‍ പുസ്തകം ഏറ്റുവാങ്ങും.
മന്ത്രി തോമസ് ഐസക്, കോട്ടയ്ക്കല്‍ ആര്യവൈദ്യശാല ട്രസ്റ്റി പി.എം വാര്യര്‍, പ്രൊഫ. പി.പി അബൂബക്കര്‍, മുനിസിപ്പല്‍ ചെയര്‍മാന്‍ എസ്. ഗിരീഷ്, എ. രാജന്‍ എന്നിവര്‍ സംസാരിക്കും. സി.ഐ.ടി.യു അഖിലേന്ത്യാ സെക്രട്ടറി പി. നന്ദകുമാര്‍ അധ്യക്ഷനാകും.
ചോദ്യോത്തര രൂപത്തില്‍ തയാറാക്കിയ പുസ്തകത്തിനു പത്ത് അധ്യായങ്ങളുണ്ട്.