ഉദുമ: പഞ്ചായത്തിലെ വിവിധ വിദ്യാലയങ്ങളില്‍ പ്ലസ്ടു പരീക്ഷയിലും, ഉദുമ പടിഞ്ഞാര്‍ മഹല്ലുതലത്തില്‍ പ്ലസ്ടു, എസ്.എസ്.എല്‍.സി പരീക്ഷകളിലും ഉന്നതവിജയം നേടിയ വിദൃാര്‍ഥികള്‍ക്ക് പടിഞ്ഞാര്‍ മുഹ്‌യദ്ധീന്‍ ജമാഅത്ത് കമ്മിറ്റിയുടെയും യു.എ.ഇ കമ്മിറ്റിയുടെയും സംയുക്താഭിമുഖ്യത്തില്‍ പി. മുഹമ്മദ് കുഞ്ഞി മാസ്റ്റര്‍, പി.കെ മുഹമ്മദ് കുഞ്ഞി ഹാജി മെമ്മോറിയല്‍ സുവര്‍ണം പ്രവാസി അവാര്‍ഡ് വിതരണം ചെയ്തു. സി.ബി.എസ്.ഇ പ്ലസ്ടു പരീക്ഷയില്‍ ഇംഗ്ലീഷില്‍ ദേശീയതലത്തില്‍ ഒന്നാം സ്ഥാനം നേടിയ ഫാത്തിമത്ത് സഹീറ, ഖുര്‍ആന്‍ ഹാഫിള് മഖ്‌സൂദ, മംഗളൂരു യൂനിവേഴ്‌സിറ്റിയില്‍ എം.ബി.ബി.എസിന് ഒന്നാം റാങ്ക് നേടിയ ആയിഷത്ത് സുമൈസ, മംഗളൂരു യൂനിവേഴ്‌സിറ്റിയില്‍ എം.സി.എക്ക് ഒന്നാം റാങ്ക് നേടിയ ആയിഷത്ത് ഷബാന, ബീഫാമിന് ഒന്നാം റാങ്ക് നേടിയ റുബീന, കെ ഫാത്തിമത്ത് നൗഫറ, പി.ജി.ഡി.സി.എയില്‍ ഒന്നാം റാങ്ക് നേടിയ ആയിഷത്ത് സഫീദ എന്നിവര്‍ക്ക് അവാര്‍ഡുകള്‍ സമ്മാനിച്ചു.
ജെംസ് ഓഡിറ്റോറിയത്തില്‍ നടന്ന ചടങ്ങ് റവന്യൂ വകുപ്പ് മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്തു.
ജമാഅത്ത് കമ്മിറ്റി വൈസ് പ്രസിഡന്റ് ടി.വി മുഹമ്മദ് കുഞ്ഞി ഹാജി അധ്യക്ഷനായി. ഉദുമ പടിഞ്ഞാര്‍ ഖാസി സി.എ. മുഹമ്മദ് കുഞ്ഞി മുസ്‌ലിയാര്‍ പ്രാര്‍ത്ഥന നടത്തി. കെ. കുഞ്ഞിരാമന്‍ എം.എല്‍.എ മുഖ്യാതിഥിയും എന്‍.എ നെല്ലിക്കുന്ന് എം.എല്‍.എ വിശിഷ്ടാതിഥിയുമായിരുന്നു. കണ്ണൂര്‍ യൂനിവേഴ്‌സിറ്റി വൈസ് ചാന്‍സലര്‍ ഡോ: ഖാദര്‍ മാങ്ങാട് മുഖ്യപ്രഭാഷണം നടത്തി. മുന്‍ എം.എല്‍.എ, കെ.വി കുഞ്ഞിരാമന്‍ ഗുരു സ്മരണ പ്രഭാഷണം നടത്തി.
ഓര്‍മ പുസ്തകം കാലിക്കറ്റ് യൂനിവേഴ്‌സിറ്റി രജിസ്ട്രാര്‍ ഡോ. ടി.എ അബ്ദുല്‍ മജീദ് പ്രകാശനം ചെയ്തു. ഉദുമ ഗ്രാമപഞ്ചായത്ത് പ്രസിഡന്റ് കെ.എ മുഹമ്മദലി, മെമ്പര്‍ കെ.വി അപ്പു, പി.എം ഹാരിസ്, ജമാഅത്ത് സെക്രട്ടറി എസ്.വി അബ്ദുല്ല, ജെംസ് പ്രിന്‍സിപ്പല്‍ വി.ഡി ജോസഫ്, കെ.കെ മുഹമ്മദ് ഷാഫി ഹാജി, അബൂബക്കര്‍ വിളയില്‍, ഷാഫി ഹാജി സ്പീഡ് വെ, ഹസൈനാര്‍ ഹാജി, സി.എം മുഹമ്മദ് ഷാഫി ഹാജി, കെ.വി മുഹമ്മദ് കുഞ്ഞി ഹാജി സംസാരിച്ചു.