ലക്‌നോ:ഉത്തര്‍പ്രദേശില്‍ ബി.ജെ.പിയും സമാജ്‌വാദി പാര്‍ട്ടിയും ചേര്‍ന്ന് മുസ്്‌ലിം വോട്ടുകള്‍ പങ്കിട്ടെടുക്കാന്‍ ശ്രമിക്കുകയാണെന്ന് ബി.എസ്.പി നേതാവ് മായാവതി.ബി.എസ്.പി അധികാരത്തിലേറുമെന്ന കാര്യം തിരിച്ചറിഞ്ഞാണ് സംസ്ഥാനത്ത് നിര്‍ണായക ശക്തികളായ മുസ്്‌ലിംകളുടെ വോട്ടുകള്‍ തരപ്പെടുത്താനായി ബി.ജെ.പിയും എസ്.പിയും ശ്രമിക്കുന്നതെന്നും അവര്‍ ആരോപിച്ചു.  
കേന്ദ്രത്തില്‍ അധികാരമേല്‍ക്കുന്നതിന് മുന്‍പ് ബി.ജെ.പി പ്രഖ്യാപിച്ച വാഗ്ദാനങ്ങളില്‍ നാലിലൊന്നുപോലും നിറവേറ്റാന്‍ അവര്‍ക്കായിട്ടില്ല. അവരുടെ പരാജയം മറികടക്കാന്‍ വേണ്ടിയാണ് നോട്ട് നിരോധനം നടപ്പാക്കിയതെന്നും മായാവതി ആരോപിച്ചു.രാജ്യത്ത് പ്രത്യേകിച്ചും ഉത്തര്‍പ്രദേശില്‍ ബി.ജെ.പി ക്ഷയിക്കുകയാണ്. ഇത് തടയാനായി നേതൃത്വം കിണഞ്ഞു ശ്രമിക്കുകയാണെന്നും അതാണ് നോട്ട് നിരോധനവും മുസ്‌ലിം വോട്ടുകള്‍ തട്ടാനുമുള്ള നീക്കം നടത്തുന്നതെന്നും മായാവതി കുറ്റപ്പെടുത്തി.