മാവൂര്‍: മാവൂര്‍ ബി.ആര്‍.സിയുടെ ആഭിമുഖ്യത്തില്‍ ഭിന്നശേഷിക്കാരുടെ ദ്വിദിന ക്യാംപ് മാവൂര്‍ ജി.എം.യു.പി സ്‌കൂളില്‍ ഇന്നു തുടങ്ങും. അഞ്ചു വേദികളിലായി നടക്കുന്ന നിറച്ചാര്‍ത്തില്‍ മാവൂര്‍ ബി.ആര്‍.സിക്കു കീഴിലെ അഞ്ചു പഞ്ചായത്തുകളില്‍നിന്നുള്ള പൊതുവിദ്യാലയങ്ങളിലെ ഭിന്നശേഷിക്കാരായ വിദ്യാര്‍ഥികളും രക്ഷിതാക്കളും പങ്കെടുക്കും. ബുദ്ധിപരമായ വെല്ലുവിളി നേരിടുന്നവര്‍, പഠനവൈകല്യമുള്ളവര്‍, ശാരീരിക വെല്ലുവിളികള്‍ നേരിടുന്നവര്‍, ഓട്ടിസം ബാധിച്ചവര്‍ എന്നിവരാണ് ക്യാംപില്‍ പങ്കെടുക്കുക. കുട്ടികളുടെ കഴിവുകള്‍ തിരിച്ചറിഞ്ഞ് ഇത്തരം കുട്ടികളുമായി ഇടപെടുന്നതിന് രക്ഷിതാക്കളെ പര്യാപ്തമാക്കാന്‍ രക്ഷിതാക്കള്‍ക്കും ക്യാംപ് കാണാന്‍ അവസരമൊരുക്കും. രാവിലെ 10നു ഗ്രാമപഞ്ചായത്ത് പ്രസിഡന്റ് മുനീറത്ത് ഉദ്ഘാടനം ചെയ്യും.