കല്‍പ്പറ്റ: സമസ്ത ജില്ലാ കമ്മിറ്റിയുടെ ആഭിമുഖ്യത്തില്‍ ഈ വര്‍ഷം ഹജ്ജിന് പോകുന്നവര്‍ക്കായി സംഘടിപ്പിക്കുന്ന ഏകദിന പഠനക്യാംപ് നാളെ കല്‍പ്പറ്റ സമസ്ത ജില്ലാ കാര്യാലയത്തില്‍ നടത്തും. രാവിലെ 9ന് സമസ്ത കേന്ദ്രമുശാവറ അംഗം വി മൂസ്സക്കോയ മുസ്‌ലിയാര്‍ ഉദ്ഘാടനം ചെയ്യും. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാകും. മുഹമ്മദ് ബാഖവി മുണ്ടംപറമ്പ് ക്യാംപിന് നേതൃത്വം നല്‍കും. എസ് മുഹമ്മദ് ദാരിമി, ആനമങ്ങാട് അബൂബക്കര്‍ മുസ്‌ലിയാര്‍, ഇബ്രാഹിം ഫൈസി വാളാട്, എം.എം ഇമ്പിച്ചികോയ മുസ്‌ലിയാര്‍, കെ.എം ആലി, ടി.സി അലി മുസ്‌ലിയാര്‍, പി.സി ഇബ്രാഹിം ഹാജി, ഇബ്രാഹിം ഫൈസി പേരാല്‍, ഷൗക്കത്തലി മൗലവി വെള്ളമുണ്ട സംസാരിക്കും. ഈ വര്‍ഷം ഹജ്ജ് കര്‍മ്മത്തിന് പോകുന്ന മുഴുവന്‍ ആളുകളും ക്യാംപില്‍ പങ്കെടുക്കണമെന്ന് സമസ്ത നേതാക്കള്‍ അറിയിച്ചു.