കല്‍പ്പറ്റ: ഹാരിസണ്‍ മലയാളം തോട്ടങ്ങളില്‍ വരള്‍ച്ചയുടെ പേരില്‍ തൊഴിലാളികള്‍ക്ക് അന്യായമായി ജോലി നിഷേധിക്കുകയും വേതനം അടക്കമുള്ള ആനുകൂല്യങ്ങളെ പറ്റി നിശബ്ദ പാലിക്കുകയും ചെയ്യുന്ന മാനേജ്‌മെന്റിന്റെ നിലപാടില്‍ മേപ്പാടിയില്‍ ചേര്‍ന്ന ഐക്യട്രേഡ് യൂനിയന്‍ പ്രതിഷേധിച്ചു. ജോലി നിഷേധിക്കപ്പെട്ട ദിവസങ്ങളിലെ വേതനവും മറ്റ് ആനുകൂല്യങ്ങളും ഉടന്‍തന്നെ തൊഴിലാളികള്‍ക്ക് ലഭ്യമാക്കണമെന്ന് യോഗം മാനേജ്‌മെന്റിനോട് ആവശ്യപ്പെട്ടു. യോഗത്തില്‍ പി.പി.എ കരീം അധ്യക്ഷനായി. പി.കെ അനില്‍കുമാര്‍ (ഐ.എന്‍.ടി.യു.സി), എന്‍ വേണുഗോപാല്‍ (പി.എല്‍.സി), പി.വി കുഞ്ഞിമുഹമ്മദ് (എസ്.ടി.യു), എന്‍.ഒ ദേവസ്യ (എച്ച്.എം.എസ്), പി.കെ മുരളീധരന്‍ (ബി.എം.എസ്), ടി ഹംസ, എം ഹംസ, കെ ബാബു, സി മുഹമ്മദ്, പി.കെ മുഹമ്മദ്, എ ഹംസ, കെ.പി സെയ്തലവി, സക്കീര്‍ സംസാരിച്ചു.