ഗൂഡല്ലൂര്‍: കാട്ടുപോത്തിന്റെ ആക്രമണത്തില്‍ വൃദ്ധന് പരുക്കേറ്റു. ഓവാലി പഞ്ചായത്തിലെ ചൂണ്ടി സ്വദേശി കാളിയപ്പന്‍ (70) ആണ് പരുക്കേറ്റത്. ഇയാളെ ഗൂഡല്ലൂര്‍ താലൂക്ക് ആശുപത്രിയിലും തുടര്‍ന്ന് ഊട്ടി ജില്ലാ ആശുപത്രിയിലും പ്രവേശിപ്പിച്ചു. വീടിന് സമീപത്ത് നിന്ന് കുടിവെള്ളം ശേഖരിക്കുന്നതിനിടെയാണ് ഇയാളെ കാട്ടുപോത്ത് ആക്രമിച്ചത്. ഇന്നലെ രാവിലെ എട്ടരയോടെയാണ് സംഭവം.