ഗൂഡല്ലൂര്‍: മുതുമലയിലെത്തുന്ന വിനോദ സഞ്ചാരികള്‍ വന്യജീവികളെ ശല്യം ചെയ്യുന്നതായി പരാതി. ഇതുമായി ബന്ധപ്പെട്ട് സഞ്ചാരികളില്‍ നിന്ന് വനംവകുപ്പ് പിഴ ഈടാക്കിയിട്ടും ശല്യം ചെയ്യുന്നതിന് യാതൊരുവിധ കുറവുമില്ല.
കഴിഞ്ഞ ദിവസം മസിനഗുഡി ശിങ്കാരയില്‍ സഞ്ചാരികള്‍ സഞ്ചരിച്ച വാഹനം ഉപയോഗിച്ച് കടുവയേയും കുട്ടികളെയും ശല്യം ചെയ്തിരുന്നു.
റോഡരികിലൂടെ നടന്ന് പോകുകയായിരുന്ന കടുവയേയും രണ്ട് കുട്ടികളെയുമാണ് ശല്യം ചെയ്തത്. ശിങ്കാരയിലെ റിസോര്‍ട്ടില്‍ തങ്ങിയിരുന്ന സഞ്ചാരികളാണ് ഇത്തരത്തില്‍ പെരുമാറിയത്. ഇവര്‍ക്കെതിരെ നടപടി സ്വീകരിക്കണമെന്നാവശ്യം ശക്തമായിട്ടുണ്ട്.