മലപ്പുറം: കേരളാ ന്യൂസ് പേപ്പര്‍ ഏജന്റ് അസോസിയേഷന്‍ കോഡിനേഷന്‍ സ്‌റ്റേറ്റ് കമ്മിറ്റി കോഴിക്കോട് ചേര്‍ന്ന യോഗത്തില്‍ പുനഃസംഘടിപ്പിച്ചു. പ്രസിഡന്റായി നിസരി സൈനുദ്ദീന്‍ (ആലപ്പുഴ), ജനറല്‍ സെക്രട്ടറിയായി സലീം രണ്ടത്താണി (മലപ്പറം), വൈസ് പ്രസിഡന്റുമാരായി ചേക്കു (മലപ്പുറം), ഡേവിഡ് (തൃശൂര്‍), ജോയിന്റ് സെക്രട്ടറിമാരായി അബൂബക്കര്‍ (വയനാട്), അബ്ദുല്‍ വഹാബ് (മലപ്പുറം), ട്രഷററായി പത്മനാഭന്‍ (കണ്ണൂര്‍) എന്നിവരെ തെരഞ്ഞെടുത്തു.
എല്ലാ ജില്ലകളിലും നിലവിലുള്ള സംവിധാനങ്ങളില്‍നിന്നുകൊണ്ട് മുഴുവന്‍ പത്ര ഏജന്റുമാരെയും വിതരണക്കാരെയും പുനഃസംഘടിപ്പിക്കാനും തീരുമാനമായി. ജനുവരി 27ന് നടക്കുന്ന മലപ്പുറം ജില്ലാ ന്യൂസ്‌പേപ്പര്‍ ഏജന്റ്‌സ് ജില്ലാ സമ്മേളനം വിജയമാക്കാന്‍ ആവശ്യപ്പെട്ടു. പി.കെ സത്താര്‍ വയനാട്, കെ.എ നാസര്‍ കോഴിക്കോട് സംസാരിച്ചു.